កូនប្រុសស្ដេចប្រដាល់ Muhammad Ali ធ្លាក់ខ្លួនដល់ថ្នាក់ដេកតាមផ្លូវ គ្មានអ្នកដឹង

2017-06-06 08:18:50
ចំនួនមតិ 0 | ចំនួនចែករំលែក 0

ចន្លោះមិនឃើញ

Muhammad Ali Junior ដែលជាកូនប្រុសម្នាក់របស់ស្ដេចប្រដាល់សកល Muhammad Ali បានត្អូញរឿងលំបាកថា គេស្ថិតក្នុងភាពអស់សង្ឃឹមនិងប្រឈមមុខរស់នៅគ្មានផ្ទះអស់រយៈពេល១ឆ្នាំ ក្រោយឪពុកស្លាប់។

Muhammad Ali Junior

Muhammad Ali Junior អាយុ៤៥ឆ្នាំបានថ្លែងថា ក្រោយឪពុកស្លាប់គេទទួលបានទ្រព្យប្រចាំខែ២០០០ផោនក្នុងមួយខែ ប៉ុន្តែលុយនេះទើបតែបើកបាន៣ខែប៉ុណ្ណោះ។ ដោយសារគ្មានលុយជួលផ្ទះ ដូច្នេះគេត្រូវទៅនៅជាមួយផ្ទះមិត្តភ័ក្ដិ Florida ប៉ុន្មានថ្ងៃបន្ទាប់ពីដេកតាមចិញ្ចើមផ្លូវ។ បច្ចុប្បន្ន Ali Jnr កំពុងដាក់ពាក្យបណ្ដឹងទៅសមាជិកគ្រួសារទាំងអស់ដែលផ្ដាច់ប្រាក់ប្រចាំខែរបស់ខ្លួន ពីទ្រព្យរបស់ឪពុកបន្សល់ទុកប្រមាណ៦២លានផោន។

Ali Jnr បានបន្តថា ការចែកទ្រព្យមរតកឪពុកជាមួយសមាជិកគ្រួសារទាំងអស់បានធ្វើឡើងក្នុងរដ្ឋ California កាលពីឆ្នាំមុនក្នុងនោះមានប្អូនស្រីទាំង៧, កូនប្រុសចិញ្ចឹមម្នាក់និងប្រពន្ធទី៤របស់ Muhammad Ali។

“ខ្ញុំត្រូវបានគេកាត់ផ្ដាច់ចោលទាំងស្រុង។ ខ្ញុំគ្មានគណនីធនាគារទេ។ ខ្ញុំត្រូវរស់នៅលំបាកអស់មួយឆ្នាំ។ នេះមិនមែនជាអ្វីដែលឪពុកខ្ញុំចង់បាននោះទេ។ គាត់ចង់ឲ្យខ្ញុំមានទីកន្លែងរស់នៅល្អមួយ និងមានលុយចាយ។ តែកន្លងទៅខ្ញុំរស់នៅដូចត្រីគ្មានទឹក សូម្បីរកអាហារក៏ពិបាក"។ មុនពេល Muhammad Ali ក៏ធ្លាប់ប្រាប់មិត្តភ័ក្ដិបារម្ភពីកូនៗទាំងអស់ដែរ៕