ពលរដ្ឋប៊ូឌីញ៖ "ខ្ញុំចាកចេញតែកាយ តែខ្ញុំមិនភ្លេចជម្រកក្ដីសុខខ្ញុំនេះឡើយ"
- 2017-06-06 10:34:14
- ចំនួនមតិ 0 | ចំនួនចែករំលែក 0
ពលរដ្ឋប៊ូឌីញ៖ "ខ្ញុំចាកចេញតែកាយ តែខ្ញុំមិនភ្លេចជម្រកក្ដីសុខខ្ញុំនេះឡើយ"
ចន្លោះមិនឃើញ
វេលាដែលត្រូវចាកចេញបានមកដល់ ពលរដ្ឋរស់នៅក្នុងអគារប៊ូឌីញ បាន និងកំពុងរៀបចំ និង រុះរើអីវ៉ាន់គ្មានសល់ ដើម្បីផ្លាស់ប្ដូរទៅកាន់ជម្រកថ្មី។
ស្ត្រីវ័យចំណាស់សម្បុរស្រអែម និងមានទឹកមុខសោកសង្រេង កំពុងឈរសម្លឹងលំនៅឋានដែលរស់នៅជាង ៣០ឆ្នាំ លោកស្រី ផន ស៊ីវន បានរៀបរាប់យ៉ាងអួលដើមកថា « ខ្ញុំស្រណោះញាតិមិត្ត បងប្អូនជិតខាងដែលតែងតែជួប និងនិយាយគ្នា ដើរហាត់ប្រាណជាមួយគ្នា ជាពិសេសគឺបន្ទប់រស់នៅតាំងពីបែកប៉ុលពតមក ហើយពេលនេះ ត្រូវចាកចេញពីទីនេះទាំងអាល័យ» ។
លោកស្រី ស៊ីវន ដែលមានសមាជិកគ្រួសារ ៨ នាក់ បានប្រាប់ Sabay ថា លោកស្រីនិងគ្រួសារនឹងរើទៅរស់នៅផ្ទះល្វែងនៅខាងច្បារអំពៅដែលបានទិញរួចប៉ុន្មានខែមុន និងរង់ចាំតែពេលនៅទេ។ « ការចាកចេញពេលនេះ គឺទៅជារៀងរហូត តែខ្ញុំមិនភ្លេចជម្រកក្ដីសុខខ្ញុំនេះឡើយ» លោកស្រីបញ្ជាក់។
ស្ត្រីវ័យកណ្ដាល លោកស្រី ស៊ីវន ឲ្យដឹងថា « ប្រសិនបើខ្ញុំចង់មកលេងទីនេះ ត្រូវចំណាយប្រាក់ជិះម៉ូតូកង់ប្រមាណ ២ម៉ឺនរៀល»។ មួយវិញទៀតបញ្ហាប្រឈមដែលលោកស្រីនឹងជួបពេលចេញពីទីនេះគឺ កន្លែងធ្វើការរបស់ស្វាមី និងសាលារៀនរបស់ចៅ គឺស្ថិតនៅឆ្ងាយពីផ្ទះទើបទិញថ្មី ហើយនេះការចំណាយផ្សេងៗអាចនឹងច្រើនជាងមុន។
គួរជម្រាបថា បើតាមក្រសួងដែនដី គិតមកត្រឹមថ្ងៃទី ០៦ ខែមិថុនា ឆ្នាំ ២០១៧ ប្រជាពលរដ្ឋអគារប៊ូឌីញ ស ចំនួន ១០បន្ទប់ បានទទួលប្រាក់ទូទាត់រួច បានប្រគល់បន្ទប់ជូនក្រុមហ៊ុន និងបានចាកចេញពីបន្ទប់ស្នាក់នៅ ទៅតាំងទីលំនៅថ្មីហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
