ចុងក្រោយនេះ លី តឺហួរ សម្រេចលុបចោលការងារទាំងអស់ ដោយអត់ស្ដាយ...!

2017-06-07 02:56:34
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងហុងកុងដ៏ល្បី Andy Lau នឹងមានដំណឹងល្អសម្រាប់អ្នកគាំទ្រខ្លួន ក្រោយសម្រាកព្យាបាលមួយរយៈ ដោយសារឧប្បត្តិហេតុធ្លាក់ពីលើខ្នងសេះ។

បន្ទាប់ពីជួបគ្រោះថ្នាក់ធ្ងន់ធ្ងរបណ្ដាលឲ្យប៉ះពាល់ខ្នងខ្លាំង Andy Lau ឫ លី តឺហួរ បានសម្រេចលុបចោលការសម្ដែងរបស់ខ្លួនទាំងអស់ទាំងនៅក្នុងទីក្រុងហុងកុង និងប្រទេសចិន ដើម្បីយកពេលថែរក្សាសុខភាពឲ្យបានប្រសើរឡើងវិញ។

បច្ចុប្បន្នសុខភាព និងកម្លាំងពលំបានវិលមកសភាពល្អប្រសើរវិញហើយ នេះក៏ដោយសារការថែទាំ និងយកចិត្តទុកដាក់ពីសំណាក់គ្រួសារ ព្រមទាំងមិត្តភ័ក្ដិទាំងអស់របស់លោក។ ថ្វីត្បិត លីតឺហួរ បានជាសះស្បើយ និងអាចចាប់ផ្ដើមការប្រគំតន្ត្រីបានឡើងវិញក៏ពិតមែន ប៉ុន្តែវេជ្ជបណ្ឌិតសំណូមពរឲ្យលោក បន្តសម្រាកពេញមួយឆ្នាំតែម្ដង។

ដោយឡែកបើតាមវិបសាយ Jayne Stars បានរាយការណ៍ថា តារាប្រុសវ័យ ៥៥ឆ្នាំរូបនេះ នឹងមានការប្រគំតន្ត្រីទេសចរណ៍មួយនៅប្រទេសចិន ក្នុងឆ្នាំ ២០១៨។ ក្នុងនោះលោកក៏បានជម្រាបទៅកាន់អ្នកគាំទ្រឲ្យមានការអត់ធ្មត់បន្តិចចំពោះការរង់ចាំការវិលត្រលប់ជាថ្មីរបស់ខ្លួន៕

*ចុចអាន៖

-ធ្លាក់ពីខ្នងសេះថ្ងៃមុន Andy Lau ទទួលបានសំណងស្មើ Bugattiថ្មី៤គ្រឿង

-តារាហុងកុង Andy Lau លុបចោលការប្រគំតន្ត្រីភ្លាមៗ

ប្រភព៖ jaynestars ប្រែសម្រួល៖ យី សុធារី