សណ្ឋាគារភ្នំភ្លើង ផ្ទុះចេញទឹក ដ៏ស្រស់ស្អាត មានតែ១លើលោក

2014-09-20 15:10:30
ចំនួនមតិ 0 | ចំនួនចែករំលែក 0

ចន្លោះមិនឃើញ

សណ្ឋាគារស្រស់ស្អាតប្លែកៗ ពិតជាមានច្រើនណាស់នៅជុំវិញពិភពលោក ក៏ប៉ុន្តែសម្រាប់សណ្ឋាគារ Montana Magica នៅភាគខាងជើងប្រទេសឈីលី វិញគឺស្ថិតលើចំណាត់ថ្នាក់កំពូលតែម្ដង បើនិយាយពីរឿងសម្រស់ និងទ្រង់ទ្រាយប្លែកៗ។ សណ្ឋាគារដែលមានទីតាំងស្ថិតនៅកណ្ដាលព្រៃជាង ១២ម៉ឺនហិតានេះ មានសណ្ឋានដូចជាភ្នំភ្លើង ប៉ុន្តែអ្វីដែលផ្ទុះចេញមកគឺជាទឹកដ៏ត្រជាក់ត្រជំ ពីលើកំពូលអគារ ហូរកាត់ជញ្ជាំងនៃបន្ទប់នីមួយៗ ដែលមានស្លែនិងរុក្ខជាតិតូចៗដុះពាសពេញ។

សណ្ឋាគារនេះមានបន្ទប់ស្នាក់នៅចំនួន ១៣បន្ទប់ ដែលបន្ទប់នីមួយៗមានតម្លៃចាប់ពី ១៥០ផោន ទៅ ២៦០ផោន (២៤៦ដុល្លារ ទៅ៤២៧ដុល្លារ)។ សម្រាប់ផ្នែកខាងក្នុង គ្រប់យ៉ាងត្រូវបានសាងសង់ឡើងពីឈើស្ទើរតែមួយរយភាគរយ។ ក្រៅពីការស្នាក់នៅដ៏មានផាសុកភាព នៅជុំវិញសណ្ឋាគារ និងរមណីយដ្ឋានមួយនេះ ទេសចរអាចរីករាយនឹងសកម្មភាពកម្សាន្តផ្សេងៗដូចជា ដើរមើលធម្មជាតិក្នុងព្រៃ និងការលេងវាយកូនហ្គោលទ្រង់ទ្រាយតូចជាដើម។

ទស្សនារូបភាពជាច្រើនពីសណ្ឋាគារនេះតែម្ដង៖