ក្រោយពីបទ ជាប់រវល់ ដែលជាបទចម្រៀងចាស់ធ្លាប់ល្បីខ្លាំងកាលពីអំឡុងទស្សវត្ស៩០ត្រូវបាន​យក​មក​ច្រៀង​ឡើង​វិញ ហើយនៅតែមានការគាំទ្រដូចពីមុន នៅពេលនេះ សាន ផានិត បានប្រាប់ថា នឹងត្រៀម​បទ​ចម្រៀង​​​ពី​មុន​មួយ​ទៀតយកមកច្រៀងថ្មីឡើងវិញ គឺបទ "ទូរសព្ទប្រាប់ផង។

តារាចម្រៀងរូបនេះ បានបង្ហាញក្ដីសប្បាយរីករាយនៅពេលទីផ្សារចម្រៀងទទួលការចាប់អារម្មណ៍ឡើងវិញ ទាំង​មិន​នឹកស្មានដល់។ ទន្ទឹមនឹងការសប្បាយរីករាយនេះ តារា​ចម្រៀង​ធ្លាប់​សាង​ឈ្មោះល្បីខាងលើ​កំពុង​រៀបចំ​ចម្រៀង​ថ្មីៗ​ជាច្រើនទៀត ដែលលោកជឿជាក់ថានឹងទទួលការចាប់អារម្មណ៍ពីទស្សនិកជនគ្រប់ស្រទាប់វណ្ណៈ។

ក្នុងនោះមានដូចជា "ភ្លេងការ" ដែលទើបចេញ Audio ផ្លូវការថ្មីៗ និងបទ "ទូរសព្ទប្រាប់ផង" ដែលត្រៀមនឹង​ច្រៀង​ឡើងវិញ។ សាន ​ផានិត បន្តថា ក្រៅពីបទចម្រៀង​ទាំង២បទដែលត្រៀមចេញលក់លើទីផ្សារ​ក្នុង​ពេល​ដ៏​ខ្លី​ខាង​មុខ លោកកំពុងតែត្រៀមរៀបចំស្ទិលថ្មីជាច្រើនទៀតក្នុងន័យវាយលុកទីផ្សារចម្រៀងនាពេលខាងមុខ។