ឥណ្ឌាកំណត់មហិច្ឆតាចង់លក់តែរថយន្តអគ្គិសនីពីឆ្នាំ ២០៣០

2017-06-08 02:14:26
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលឥណ្ឌាបានដាក់ចេញផែនការមួយ ចាប់ពីឆ្នាំ ២០៣០ តទៅ នឹងលក់តែប្រភេទរថយន្តអគ្គិសនីក្នុងគោលដៅសម្រេចឲ្យបាន។

ជារៀងរាល់ឆ្នាំ មានមនុស្សប្រមាណ ១,២ លាននាក់បានស្លាប់ ដោយសារបញ្ហាខ្យល់បរិយាកាសកខ្វក់ក្នុងប្រទេសឥណ្ឌា។

យ៉ាងណាមិញនេះឥណ្ឌាមិនមែនតែប្រទេសមួយនោះទេ ដែលកំពុងគិតគូរបញ្ហាការបំពុលបរិយាកាសពីរថយន្តប្រើប្រាស់ប្រេងសាំង សូម្បីតែប្រទេសចិន ក៏កំពុងរៀបចំគម្រោងដូចគ្នា ដោយគ្រោងលក់ចេញប្រភេទរថយន្តអគ្គិសនីឱ្យបានខ្ទង់ ៧ លានគ្រឿងនាឆ្នាំ ២០២៥ ។

ឥណ្ឌាជាប្រទេសលំដាប់ទី ៣ ខាងវិស័យនាំចូលប្រេងច្រើនជាងគេ។ ការផ្លាស់ប្ដូរទៅប្រើប្រាស់រថយន្តអគ្គិសនី នឹងជួយកាត់បន្ថយការចំណាយធនធានប្រេងមួយចំណែកធំ។ យុទ្ធសាស្ត្រមហិច្ឆតាដ៏ធំនេះ ក៏នឹងជួយសន្សំចំណូលបានជាង ៦០ ពាន់លានដុល្លារនាឆ្នាំ ២០៣០ ដែលជាផលចំណេញដល់ម្ចាស់រថយន្តផងដែរ។

អង្គការ Greenpeace បានបង្ហាញរបាយការណ៍មួយ តួលេខមនុស្សស្លាប់ពីការស្រូបខ្យល់ពុលមានច្រើនប្រហាក់ប្រហែលទៅនឹងមនុស្សស្លាប់ដោយការស្រូបផ្សែងបារី។

បន្តចុចអាន៖

ប្រភព៖ interestingengineering ប្រែសម្រួល៖ កៅ រក្សា