មិត្តភាព៖ Morata តែតចុងម៉ោងជួយអេស្ប៉ាញតាមស្មើកូឡុំប៊ី ឯអ៊ីតាលីឈ្នះអ៊ុយរុយហ្គាយ
- 2017-06-08 02:21:48
- ចំនួនមតិ 0 | ចំនួនចែករំលែក 0
មិត្តភាព៖ Morata តែតចុងម៉ោងជួយអេស្ប៉ាញតាមស្មើកូឡុំប៊ី ឯអ៊ីតាលីឈ្នះអ៊ុយរុយហ្គាយ
ចន្លោះមិនឃើញ
Alvaro Morata បានរកគ្រាប់បាល់មួយគ្រាប់នៅនាទី៨៧ស្រោចស្រង់ជម្រើសជាតិអេស្ប៉ាញតាមស្មើ២-២ក្នុងប្រកួតមិត្តភាពជាមួយកូឡុំប៊ីកាលពីយប់មិញ ជាការបន្តភាពមិនដែលចាញ់របស់អេស្ប៉ាញក្រោមការដឹកនាំរបស់គ្រូថ្មី Julen Lopetegui។
ចាប់ផ្ដើមវគ្គទី១ក្រុមម្ចាស់ផ្ទះអេស្ប៉ាញជាអ្នកបើឆាករកគ្រាប់បាល់បានមុនដោយ David Silva នៅនាទី២២ បន្ទាបពីមានការបញ្ជូនពី Pedro។ ប៉ុន្តែការរីករាយរបស់អ្នកគាំទ្រអេស្ប៉ាញក៏រលត់ទៅវិញ បន្ទាប់កូឡុំប៊ីដាក់២គ្រាប់នាំមុខមកវិញ សម្រេចដោយកីឡាករ Edwin Cardona និង Radamel Falcao ក្នុងនាទី៤០និង៥៥។ យ៉ាងណាមិញ Morata បានផ្ដល់ក្ដីសង្ឃឹមមកវិញដល់ក្រុម ដោយតែតចុងម៉ោងចូលទីយ៉ាងល្អ ក្រោយទទួលការបោះយ៉ាងល្អពី Saul Niguez ។
ចំណែកគូមិត្តភាពចាប់អារម្មណ៍មួយទៀត ក្រុមពណ៌ខៀវអ៊ីតាលីបានលត់ក្រុមមកពីអាមេរិកខាងត្បូង អ៊ុយរុយហ្គាយ ៣-០។ ៣គ្រាប់របស់អ៊ីតាលីរកបានដោយកីឡាករ Jose Gimenez (កីឡាករ អ៊ុយរុយហ្គាយស៊ុតចូលទីខ្លួនឯង), Eder និង Daniele De Rossi ក្នុងនាទី៧,៨២និង៩០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
