ក្នុងថ្ងៃជប់លៀងជូនពលរដ្ឋនៅប៊ូឌីញ ឯកឧត្ដម ជា សុផារ៉ា បានធ្វើរឿងមួយគួរឱ្យគោរពបំផុត

2017-06-11 04:57:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃជប់លៀងនំបញ្ចុក ២តោន ជូនប្រជាពលរដ្ឋនៅប៊ូឌីញ កាលពីថ្ងៃទី ១០ ខែមិថុនា កន្លងទៅថ្មីៗនេះ ឯកឧត្ដម ជា សុផារ៉ា ទេសរដ្ឋមន្រី្ត រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចូលរួមពិសានំបញ្ចុកជាមួយពលរដ្ឋដោយផ្ទាល់ ជាពិសេសបានជួបពិភាក្សារកដំណោះស្រាយបញ្ហាផ្សេងៗជូនពលរដ្ឋទល់មុខគ្នា និងដោះស្រាយភ្លាមៗនៅកន្លែង ដោយមានមន្ត្រី របស់ឯកឧត្ដម ជាអ្នកកត់ត្រារាល់បញ្ហាទាំងនោះ។ ការបង្ហាញពីភាពស្និទ្ធស្នាល និងចំណាត់ការរបស់ ឯកឧត្ដម បានធ្វើឱ្យប្រជាពលរដ្ឋសាទរ និងអបអរជាខ្លាំង។

គួរឱ្យដឹងផងដែរថា ទេសរដ្ឋមន្ត្រី ជា សុផារ៉ា គឺជារដ្ឋមន្រ្តីទីមួយហើយដែលអាចដោះស្រាយបញ្ហាអូសបន្លាយរាប់ឆ្នាំកន្លងមកនេះជូនពលរដ្ឋដោយជោគជ័យ និងសន្តិភាព ហើយកំពុងទទួលបានប្រជាប្រិយភាព ក្នុងក្រអៅបេះដូងរបស់ប្រជាពលរដ្ឋ។ ឯកឧត្ដម បានរៀបចំពិធីជប់លៀងជូនប្រជាពលរដ្ឋអគារប៊ូឌីញ «ស» ដោយការហូបនំបញ្ចុក នៅក្បែរអគារប៊ូឌីញផ្ទាល់តែម្ដង ដែលការជប់លៀងនេះ ធ្វើឡើងបន្ទាប់ពីប្រជាពលរដ្ឋនៅក្នុងអគារប៊ូឌីញនេះ បានព្រមព្រៀងលក់លំនៅដ្ឋានទៅឲ្យក្រុមហ៊ុនវិនិយោគអចលនទ្រព្យរបស់ជប៉ុន Arakawa ក្នុងមួយម៉ែត្រការ៉េ ១,៤០០ដុល្លារអាមេរិក៕