ក្មេងប្រុសអាយុ៦ឆ្នាំ កើតមកអត់ដៃ តស៊ូរហូតឈ្នះ មេដាយមាស ជើងឯកហែលទឹក

2017-06-12 07:12:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្មេងប្រុសអាយុ ៦ ឆ្នាំម្នាក់ មានឈ្មោះថា Ismail Zulfic មានវាសនាខុសពីក្មេងៗដទៃទៀត ដោយរូបគេកើតមកអត់មានដៃ និង មានទ្រង់ទ្រាយជើង មិនដូចធម្មតាទៀតផង។ Ismail រស់នៅឯប្រទេសបូស្នី (Bosnia) ដែលជាកន្លែងជនពិការ ប្រឈមមុខនឹងការលំបាកច្រើន។

ផ្ទុយទៅវិញ Ismail បានរកឃើញគោលដៅនៃជីវិត តាមរយៈការធ្វើអ្វីដែលខ្លួនស្រលាញ់ ដោយត្រូវអរគុណដល់ថ្នាក់បង្រៀនហែលទឹកមួយ សម្រាប់កុមារពិការ។ គ្រួសាររបស់ Ismail បាននាំរូបគេទៅរៀនហែលទឹក នៅថ្នាក់បង្រៀនហែលទឹកឥតគិតថ្លៃមួយ ហៅថា Spid ដែលបង្កើតឡើយដោយបុរសម្នាក់ មានឈ្មោះថា Amel Kapo។

ដំបូងឡើយ Ismail ខ្លាចទឹកខ្លាំងណាស់។ «រាងកាយរបស់ពួកគេអាចនឹងខុសគ្នា ប៉ុន្តែប្រសិនបើអ្នកឲ្យឱកាសពួកគេ ដើម្បីបង្ហាញថា ពួកគេដឹងពីរបៀបទទួលយក និងប្រើប្រាស់វា គឺកាន់តែប្រសើរ»។ នេះបើតាមសម្ដី លោក Amel។

លោក Amel បានជួយ Ismail យកឈ្នះលើការខ្លាចទឹក ព្រមទាំងណែនាំឲ្យដឹងពី កម្រិតសមត្ថភាពរាងកាយ និងបង្រៀនរូបគេ ឲ្យចេះហែលទឹកទៀតផង។ ក្រុមគ្រួសាររបស់ Ismail គ្មានលទ្ធភាពឡើយ សូម្បីតែការចំណាយលើថ្លៃសាំង ដើម្បីនាំរូបគេទៅរៀនហែលទឹក ចំនួន ២ ដងក្នុងមួយសប្ដាហ៍ ដូច្នេះលោក Amel ក៏បានរ៉ាប់រងលើបញ្ហានេះ រួមទាំងឧបករណ៍ហែលទឹកមួយចំនួនទៀតផង ដើម្បីអាចឲ្យ Ismail បន្តការរៀនហែលទឹក។

នាពេលថ្មីៗនេះ Ismail បានឈ្នះមេដាយមាស នៅក្នុងការប្រកួតប្រជែងហែលទឹកក្នុងតំបន់សម្រាប់ជនពិការ និងសង្ឃឹមថាអាចចូលរួមប្រកួតប្រជែង នៅក្នុងការហែលទឹកជើងឯក Para-Swimming Championships ដែលនឹងត្រូវធ្វើឡើងនៅប្រទេសអាល្លឺម៉ង់ នៅចុងឆ្នាំនេះ។

មិនតែប៉ុណ្ណោះ សមិទ្ធផលដ៏អស្ចារ្យរបស់ Ismail បានធ្វើឲ្យស្ថាបនិកមូលនិធិ Swim Strong Foundation នៅទីក្រុង New York លោក Shawn Slevin ចាប់អារម្មណ៍ និងបានធ្វើដំណើរទៅកាន់ ទីក្រុង Sarajevo ប្រទេសបូស្នី ដើម្បីផ្ដល់ឲ្យ Ismail និង កុមារដទៃទៀត នូវការបណ្ដុះបណ្ដាលវគ្គហែលទឹកបន្ថែមទៀតផង៕