៤ចំណុចដែលធ្វើឲ្យ ឡៅ ចិត្រា ខ្លាំងនិងល្បីលឿន
- 2017-06-13 01:47:23
- ចំនួនមតិ 0 | ចំនួនចែករំលែក 0
៤ចំណុចដែលធ្វើឲ្យ ឡៅ ចិត្រា ខ្លាំងនិងល្បីលឿន
ចន្លោះមិនឃើញ
សម្រាប់អ្នកដែលចូលចិត្តវិស័យប្រដាល់គុនខ្មែរ ច្បាស់ជាស្គាល់ហើយជើងខ្លាំងវ័យក្មេង ឡៅ ចិត្រា ដែលជាម្ចាស់មេដាយមាសកីឡាជាតិលើកទី១និងជាកីឡាករជម្រើសជាតិកម្ពុជាខាងផ្នែកប្រដាល់គុនខ្មែរ។ កីឡាករក្លឹបឆ័ត្រយោង៩១១ រូបនេះកំពុងតែសាងកេរ្តិ៍ឈ្មោះយ៉ាងល្អនិងល្បីទៅៗជាបណ្ដើរៗហើយ។ តើកត្តាអ្វីខ្លះដែលជំរុញឲ្យកីឡាករម្នាក់នេះមានធ្វើបានល្អដូចសព្វថ្ងៃ?
ឡៅ ស៊ីណាត ដែលជាអតីតអ្នកប្រដាល់ល្បីឈ្មោះរបស់កម្ពុជានិងជាបងប្រុសបង្កើតរបស់ ឡៅ ចិត្រា បានឲ្យដឹងថា បើតាមការមើលឃើញជាក់ស្ដែងនាពេលកន្លងមកក៏ដូចជាបច្ចុប្បន្ននេះ មូលហេតុដែលធ្វើឲ្យប្អូនប្រុសលោកម្នាក់នេះមានការអភិវឌ្ឍន៍ខ្លួនលឿនដូចនេះ អាចមកពីកត្តាមួយចំនួនដូចជា៖ ទី១ មិនដើរលេងផ្ដេសផ្ដាស ទី២ គោរពច្បាប់ទម្លាប់បានត្រឹមត្រូវល្អ ទី៣ ខំប្រឹងប្រែងហ្វឹកហាត់មិនធ្វេសប្រហែស និងទី៤ ឡើងប្រកួតដោយមានទំនុកចិត្តខ្ពស់។
ចៅក្រុមនៅសង្វៀនបាយ័នរូបនេះបន្ថែមទៀតថា កត្តាទាំងប៉ុន្មានខាងលើនេះនិងរួមផ្សំនិងកាយសម្បទាអំណោយផលផងនោះទើបអាចធ្វើ ចិត្រា ប្រកួតបានល្អនាពេលកន្លងមក។
កីឡាករ ឡៅ ចិត្រា ជាជើងខ្លាំងប្រចាំទម្ងន់៥៧គីឡូក្រាម រាល់ការប្រកួតរបស់គេកម្រចាញ់ដៃគូខ្លាំងណាស់។ ប្អូន ឡៅ ចន្រ្ទា ម្នាក់នេះទើបឈ្នះការប្រកួតកាលពីថ្ងៃសៅរ៍ ទី១០ មិថុនា ឆ្នាំ២០១៧ នេះ ទទួលបានប្រាក់រង្វាន់ ១០០០ ដុល្លារនៅសង្វៀនអាស៊ីអាគ្នេយ៍ ដោយឈ្នះកីឡាករ ឡុង ជិន៕