ដើម្បីប្រមូលពានទាំងអស់ គ្រូថ្មី Barcelona ចង់បានកីឡាករ៣នាក់នេះ

2017-06-13 02:06:09
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ernesto Valverde អ្នកចាត់ការក្រុម Barcelona ចង់បានកីឡាករ៣នាក់គឺ Philippe Coutinho, Hector Bellerin និង Marco Verratti ដើម្បីមករួមក្រុម ត្រៀមប្រមូលយកពានទាំងអស់នៅរដូវកាលក្រោយ។

លោក Ernesto Valverde

Valverde ត្រូវបានក្លឹបតែងតាំងជំនួសលោក Luis Enrique ដែលបានចាកចេញកាលពីចប់រដូវកាលមុននេះ។ វត្តមានរបស់អ្នកចាត់ការដែលធ្លាប់ជាកីឡាករ Barcelona រូបនេះ នឹងមានការផ្លាស់ប្ដូរច្រើននៅក្លឹបអ្នកមានបុណ្យ ពោលគឺលោកប្រកាសលក់កីឡាករជាច្រើន ហើយថែមទាំងចុះផ្ដល់ឱកាសឱ្យក្មេងៗ ជំនាន់ក្រោយបានបញ្ចេញសមត្ថភាពថែមទៀត។

Marco Verratti

យ៉ាងណាមិញ លោក Valverde ក៏ត្រូវការកីឡាករថ្មីៗមកដែរ ដោយលោកគ្រោងទិញកីឡាករថែមដល់ទៅ៣នាក់ឯណោះ។ ខ្សែការពារ Hector Bellerin ទិញមកដើម្បីកន្លែងដែល Dani Alves ចាកចេញទៅ ខណៈដែលកីឡាករ២នាក់ទៀតដែលជាខ្សែបម្រើ Philippe Coutinho និង Marco Verratti យកមកដើម្បីពង្រឹងតំបន់បម្រើឱ្យកាន់តែល្អថែមទៀត។

បន្ថែមពីលើកីឡាករទាំង៣នាក់ខាងលើហើយ ក្រុម Barcelona ក៏មានចំណាប់អារម្មណ៍ទៅលើRiyad Mahrez ផងដែរ ដើម្បីជាកម្លាំងបន្ថែមសម្រាប់តំបន់ប្រយុទ្ធ ត្បិតអីខ្សែបម្រើប្រយុទ្ធរូបនេះជួយបានច្រើនតំបន់ខាងលើ៕

ប្រភព៖ Dailymail ប្រែសម្រួល៖ មុន្នីរម្យ