កុំចេះតែហ៊ាន! តារាកូរ៉េម្នាក់នេះ មិនមែនលំៗទេណា ទៅណាផ្អើលស្រីៗមិនចេះតិច (វីដេអូ)

2017-06-13 06:25:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Sam Okyere គឺជាតារាប្រុសកូរ៉េដែលមានភាពល្បីល្បាញមិនធម្មតាដែរក្នុងពេលបច្ចុប្បន្ន ទាំងនៅតាមកញ្ចក់ទូរទស្សន៍ និងនៅលើអ៊ីនធឺណិត។

មហាជនមួយចំនួនពិតជាបានជ្រាបពីដំណើរមកកាន់ប្រទេសកូរ៉េ និងផលវិបាកអ្វីខ្លះដែលតារាប្រុសបរទេសរូបនេះបានជួបប្រទះពេលមកនៅប្រទេសដទៃ។

Okyere មកដល់ប្រទេសប្រទេសកូរ៉េខាងត្បូង ក្នុងឆ្នាំ ២០០៩ ក្រោយទទួលបានអាហារូបករណ៍Korean Government Scholarship Program មកសិក្សាសាកលវិទ្យាល័យនៅប្រទេសនេះ ហើយលោកគឺជា បេក្ខជនម្នាក់ ក្នុងចំណោម ២នាក់ មកពីប្រទេសហ្គាណា ដែលមានសំណាងទទួលបានឱកាសពិសេសនេះ។ រស់នៅប្រទេសកូរ៉េឆ្នាំដំបូង លោកមានភ្ញាក់ផ្អើលនឹងភាពស៊ីវិល័យក្នុងទីក្រុង ប៉ុន្តែក៏មានអារម្មណ៍នឹករលឹកដល់គ្រួសាររបស់លោកខ្លាំងដែរ ជាពិសេសពេលមានបុណ្យទានម្ដងៗ។

Sam Okyere និងក្រុមគ្រួសារ

ជំនួបជាមួយវិបសាយ Nextshark Okyere បាននិយាយថា៖ "កាលពីជិះរថភ្លើងក្រោមដីដំបូង គ្មានអ្នកណាចង់អង្គុយជិតខ្ញុំទេ ពួកគេសុខចិត្តឈរ។ តាមពិតពួកគេចង់អង្គុយ ប៉ុន្តែមិនមែន នៅជិតបុរសស្បែកខ្មៅឡើយ។ ពេលខ្ញុំសួរមិត្តជនជាតិកេនយ៉ា តើធ្លាប់ជួបរឿងបែបនេះទេ គេឆ្លើយថា គ្រប់ពេលតែងតែបែបនេះ”។

ក្រោយមកលោកគិតថា មិនអាចនៅតែបែបនេះទេ ត្រូវតែផ្លាស់ប្ដូរអ្វីមួយ ព្រោះមិនចង់ឲ្យមានការរើសអើងពណ៌សម្បុរតទៅទៀត។ ពេលនោះលោកខិតខំរៀនភាសា និងវប្បធម៌ និងវិវត្តខ្លួនចូលក្នុងវិស័យសិល្បៈ។ កម្មវិធីដំបូងដែលលោកបង្ហាញមុខគឺ "Hello Couselor” លើទូរទស្សន៍ KBS ហើយពេលនោះហើយជាពេលដែលលោក ទទួលបានចំណាប់អារម្មណ៍ខ្លាំងពីមហាជន។

ដោយឡែកក្រៅពីទទួលបានអ្នកគាំទ្រ និងជាតារាទូរទស្សន៍ម្នាក់ លោកក៏បានចូលរួមក្នុងការងារសង្គមច្រើនដែរ ដូចជាជួយសាងសង់ សាលារៀននៅប្រទេសកំណើតរបស់លោក និងផ្សារភ្ជាប់វប្បធម៌ ប្រទេសទាំង២ (កូរ៉េ-ហ្គាណា) ថែមទៀត។

មកទល់បច្ចុប្បន្ន តារាទូរទស្សន៍ រូបនេះ កាន់តែមានភាពល្បីល្បាញ មានការចូលចិត្តពីមហាជនគ្រប់មជ្ឈដ្ឋាន ហើយពេលចេញក្រៅម្ដងៗ តែងមានអ្នកគាំទ្រសុំថតរូបជាមួយជាច្រើន តែអ្វីដែលលោកសប្បាយចិត្ត គឺ លោកមានមិត្តច្រើន ហើយមហាជនទូទៅក៏មានការយល់ដឹងច្រើន ហើយឈប់រើសអើងពណ៌សម្បុរទៀតដែរ៕