សម្តេច ហ៊ុន សែន ឧបត្ថម្ភដល់ក្រុមគោព្រៃកម្ពុជាម្នាក់ៗ១ពាន់ដុល្លារអាមេរិក

2017-06-13 14:18:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់កម្ពុជាបានបំបែកកំណត់ត្រាយកឈ្នះក្រុមខ្លាំងអាហ្វហ្គានីស្ថានដោយលទ្ធផល ១-០ មុននេះបន្តិច នៅពហុកីឡដ្ឋានជាតិ សម្រាប់ការប្រកួតសន្សំពិន្ទុក្នុងពូល C នៃពានរង្វាន់ AFC Asian Cup 2019 វគ្គជម្រុះ។ នាទីទី៥៩ អ្នកចាំទីអាហ្វហ្គានីស្ថានទាត់បាល់បុក ប្រាក់ មុន្នីឧត្តម ហើយបាល់លោតចូលទីបានសម្រេចដែលធ្វើឲ្យកម្ពុជាទទួលបានជ័យជម្នះតែម្តង។ សម្រាប់លទ្ធផលនេះ សម្តេតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាឧបត្ថម្ភដល់ក្រុមការងារ និងកីឡាករគោព្រៃកម្ពុជាម្នាក់ៗ១ពាន់ដុល្លារអាមេរិក។

សាររបស់សម្តេចដូចខាងក្រោម

«ខ្ញុំសូមអបអរសាទរក្រុមកីឡាករបាល់ទាត់ជម្រើសជាតិកម្ពុជា ដែលបានប្រកួតឈ្នះក្រុមជម្រើសជាតិ អាហ្វហ្គានីស្ថាន (Afghanistan) ក្នុងលទ្ធផល (កម្ពុជាឈ្នះ 01 -អាហ្វហ្គានីស្ថាន 00 ) នៅក្នុងការ ប្រកួតបាល់ទាត់ជម្រុះជើងឯកអាស៊ីឆ្នាំ២០១៩ (AFC Asian Cup UAE 2019) Cambodia Vs Afghanistan ដែលទើបបានបញ្ចប់នៅពហុកីឡដ្ឋានជាតិអូឡាំពិក នៅមុននេះបន្តិច។

ខ្ញុំសូមកោតសរសើរចំពោះសមត្ថភាពក្មួយៗកីឡាករជម្រើសជាតិកម្ពុជាដែលបានខិតខំលេងបានយ៉ាងល្អ។ ខ្ញុំសូមឧបត្ថម្ភលើកទឹកចិត្តដល់ក្រុមកីឡាជម្រើសជាតិកម្ពុជា រួមទាំងគ្រូបង្វឹកនូវថវិកាម្នាក់$1,000 (មួយពាន់ដុល្លារ)។ ឯកឧត្តម នាយឧត្តមសេនីយ៍ សៅ សុខា នឹងផ្តល់នូវថវិកានេះជូនដល់ក្មួយៗ ក្រុមកីឡាករទាំងអស់។

អរគុណបងប្អូនប្រជាពលរដ្ឋដែលគាំទ្រវិស័យកីឡាជាពិសេសក្មួយៗដែលបានចូលរួមទស្សនាផ្ទាល់នៅពហុកីឡដ្ឋាន តាមទូរទស្សន៍ និងតាម Facebook ខ្ញុំ។ សូមជូនពរកីឡាបាល់ទាត់ជម្រើសជាតិកម្ពុជា ទទួលបានជោគជ័យជាបន្តបន្ទាប់ទៀត»៕ ប្រភពពីផេករបស់សម្តេច ហ៊ុន សែន៕