Ikea ចាប់ដៃ NASA ចង់បង្កើតគ្រឿងសង្ហារិមទុកប្រើនៅលើភពព្រះអង្គារ

2017-06-14 03:53:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងលក់គ្រឿងសង្ហារិមប្រទេសស៊ុយអែត Ikea បានចាប់ដៃជាមួយក្រុមហ៊ុន NASA កំពុងសម្លឹងមើលពីរបៀបរស់នៅលើភពព្រះអង្គារ ឱ្យដូចទៅការរស់នៅលើភពផែនដី។

ដោយរំពឹងមើលថា បើថ្ងៃមួយមនុស្សចាកចេញពីភពផែនដីនេះទៅ ពួកគេនឹងមានសមត្ថភាពស្រាប់ក្នុងការបង្កើតគ្រឿងសង្ហារិមប្រើប្រាស់ផ្សេងៗនៅលើភពថ្មី។

ក្រុមការងាររបស់ Ikea បានចំណាយពេល ៣ ថ្ងៃក្នុងលំនៅឋានពិសោធន៍ MDRS នៅរដ្ឋ Utah ជាកន្លែងពោរពេញទៅដោយបរិយាកាសដូចនៅលើលំហអវកាស ដែលអាចផ្ដល់ការស្រាវជ្រាវគម្រោងនេះ។

យ៉ាងណាមិញក្ដីសង្ឃឹមនៃភាពជោគជ័យអាចជារាងលំបាកបន្តិច ដោយក្រុមហ៊ុនទាំងពីរក៏មិនទាន់ប្រាកដចិត្តថាតើអ្វីដែលនឹងអាចលេចចេញក្រោយការសហការមួយនេះរួចឡើយ។

Ikea បានថ្លែងថា វាពិតជាមានចម្ងល់យ៉ាងខ្លាំងក្នុងការសិក្សានៃលំហអវកាសថ្មី ដែលមានភ្ជាប់ទំនាក់ទំនងជាមួយទីក្រុងធំៗនាពេលបច្ចុប្បន្ន។ ម្ល៉ោះហើយក្រុមហ៊ុនមិនត្រឹមតែប្រឹងប្រែងលើការបង្កើតគ្រឿងសង្ហារិមសម្រាប់ប្រើប្រាស់នៅក្រៅភពឡើយ ផ្ទុយទៅវិញក៏នឹងទាញយកមេរៀនថ្មីៗបន្ថែមពីអាកាសយានិក ដើម្បីពង្រឹងនិងអភិវឌ្ឍនូវគ្រឿងសង្ហារិមដែលមានប្រើប្រាស់នៅលើភពផែនដីនាពេលបច្ចុប្បន្ន។

បន្តចុចអាន៖

ប្រភព៖ DigitalTrends ប្រែសម្រួល៖ កៅ រក្សា