Apple ជំរុញឲ្យអ្នកប្រើ iPhone ៣ ឆ្នាំប្តូរស៊េរីចាស់ចោលម្តង

2017-06-15 01:51:03
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានប្រកាសអតិថិជនរបស់ខ្លួនត្រូវប្ដូរ iPhone ជារៀងរាល់ ៣ ឆ្នាំម្ដង។ ក្រុមហ៊ុនយក្សរបស់អាមេរិកមួយនេះបានប៉ាន់ស្មាន Apple Watch និង iPhone យ៉ាងយូរអាចប្រើបានតែ ៣ ឆ្នាំសម្រាប់ម្ចាស់ដំបូង ចំណែកឯកុំព្យូទ័រ Mac និង Apple TV អាចនៅបានដល់ ៤ ឆ្នាំ។

ក្នុងការឆ្លើយតបទៅនឹងសំណួរអ្នកគាំទ្រលើគេហទំព័ររបស់ខ្លួន Apple បានលើកពីហេតុផល ២។ មួយគឺការប្រើប្រាស់ផ្ទាល់របស់អតិថិជន និងមួយទៀតជាចំណែកចូលរួមបរិច្ចាគក្នុងវិភាគទានបរិមាណឧស្ម័នផ្ទះកញ្ចក់។

Apple បានវិភាគវដ្ដជីវិតនៃឧស្ម័នផ្ទះកញ្ចក់សម្រាប់ផលិតផល Apple តាមរយៈសមាសភាគផ្នែករឹង (Hardware), ទម្ងន់និងទំហំ បូកផ្សំការប្រើប្រាស់ប្រចាំថ្ងៃ ក៏ដូចជាការមធ្យោបាយដឹកជញ្ជូនផ្សេងៗ។

ជាផ្នែកមួយនៃការជំរុញឱ្យយល់ដឹងខ្ពស់ពីបរិស្ថាន Apple ធ្លាប់បានបង្កើតកម្មវិធី Apps for Earth ដែលចាប់ដៃជាមួយអង្គការ World Wild Fund ក្នុងគោលដៅរៃអង្គាសថវិកាសម្រាប់ការអភិរក្ស។ Apple បានបង្កើតឡើងនូវ Apps ចំនួន ២៧ សម្រាប់ផ្សព្វផ្សាយឱ្យ WWF ហើយលុយដែលទទួលបានទាំងប៉ុន្មាននឹងឧបត្ថម្ភទៅឱ្យពួកគេទាំងអស់។

សរុបមកជារួមមានន័យថាកាលដែលអ្នកប្រើ iPhone ប្ដូរស៊េរីថ្មីរៀងរាល់ ៣ ឆ្នាំម្ដង ពួកគេនឹងមានឱកាសចូលរួមជាមួយមូលនិធិការពារបរិស្ថានពិភពលោក ខណៈបើអ្នកប្រើត្រឹម iPhone ស៊េរីចាស់ជួនកាលមិនអាចគាំទ្រកម្មវិធីទាំងនោះបានឡើយ។

រំលឹកថាកាលពីឆ្នាំ ២០១៤ កន្លងទៅ មាននិស្សិតផ្នែកសេដ្ឋកិច្ចថ្នាក់បណ្ឌិត Laura Trucco បានបង្ហាញពីតួលេខកើនឡើងខ្ពស់នៃអ្នក Search លើ Google ជុំវិញពិភពលោកពីឃ្លា "iPhone slow” គាប់ជួននៅពេលដែល iPhone ជំនាន់ថ្មីត្រូវបានប្រកាសបង្ហាញ។ នេះជាភស្តុតាងបញ្ជាក់ Apple តែងប្រើចិត្តសាស្ត្របង្ខំឱ្យអ្នកប្រើ iPhone ស៊េរីទាប ដំណើរការនៅលើ iOS ជំនាន់ចាស់ ហើយមានល្បឿនយឺត ទាមទារចាំបាច់ប្ដូរស៊េរីទើបអាចដំឡើងជំនាន់ iOS ខ្ពស់បាន និងមានល្បឿនប្រសើរជាងមុន។

បន្តចុចអាន៖

ប្រភព៖ telegraph ប្រែសម្រួល៖ កៅ រក្សា