ក្រុមហ៊ុន​បច្ចេកវិទ្យា HMD Global ដែល​ទទួល​បាន​សិទ្ធិ​ប្រើប្រាស់​ស្លាក​យីហោ Nokia បាន​ដាក់​បង្ហាញ​នូ​វ​ស៊េរី​ស្មា​ត​ហ្វូ​ន​ម៉ាក Nokia លើក​ដំបូង​របស់​ខ្លួន កាល​ពី​ម្សិលមិញ​រួមមាន Nokia 6, Nokia 5 និង Nokia 3 ដែល​នឹង​មាន​លក់​នៅ​ទីផ្សារ​កម្ពុជា​ចាប់ពី​ខែ​មិថុនា​នេះ​តទៅ ជាមួយ​នឹង​ទូរ​ស័ព្ទ Nokia 3310 ដ៏​ល្បីល្បាញ​​ផង​ដែរ។​

Nokia 3: ផលិតផល​ថ្មី ទំនើប​ចុងក្រោយ តម្លៃ​សម​រ​ម្យ​ ​ ស្មា​ត​ហ្វូន​ថ្មីដ៏​ទាក់ទាញ​នេះ រចនា​ឡើង​ជាពិសេស ដើម្បី​ផ្តល់​នូ​វ​បទពិសោធ​ដ៏​អស្ចារ្យ​មិន​ធ្លាប់​មាន​ជូន​ចំពោះ​អតិថិ​ជន​។ Nokia 3 មាន​រូបរាង​លេចធ្លោ ទាក់ទាញ រចនា​ឡើង​ជាពិសេស ដើម្បី​ផ្តល់​នូ​វ​ការការពារ​បានល្អ​តាម​ស្ថានភាព​នី​មួយៗ ដោយ​មាន​ម៉ាស៊ីន​ខ្លាំង​ស្រោប​ដោយ​ស៊ុម​ដែល​ផលិត​ពី​អាលុយមីញ៉ូម​មួយ​ដុំ​។ ភ្ជាប់​មក​ជាមួយ​នូ​វ​អេក្រង់ IPS ទំហំ 5.0” HD យ៉ាង​ពេញ​រូបរាង​អ៊ុត​ភ្ជាប់​ដោយ​សុញ្ញា​កាស និង​ស្រោប​ដោយ​ផ្ទៃ​កញ្ចក់ Corning® Gorilla® អេក្រង់​របស់ Nokia 3 ផ្តល់​នូ​វ​លក្ខណៈ​ពិសេស​ស​ប្រើ​បានយូរ និង ភ្លឺ​ច្បាស់​ត្រជាក់​ភ្នែក ផ្តល់​បទពិសោធ​នៃ​ការ​ទស្សនា​រូបភាព ឬ​វីដេអូ​បាន​ល្អ​ឥត​ខ្ចោះ​គ្មាន​ពីរ​។​ស្រទាប់​អេក្រង់​ប្រភេទ polarised ធ្វើឱ្យ​មាន​ចំណាំងផ្លា​តតិ​ច ដែល​ផ្តល់​នូ​វ​រូបភាព​កាន់តែច្បាស់​ល្អ ទោះបី​នៅក្រោមព​ន្លឺ​ថ្ងៃ​ខ្លាំង​។​ ​ ​ដោយ​មាន​បំពាក់​កាមេរ៉ា​មុខក្រោយ ទំហំ 8MP ភ្លឺ​ច្បាស់​ត្រជាក់​ភ្នែក Nokia 3 ពិតជា​ផ្តល់​នូ​វ​បទពិសោធ​ស្មា​ត​ហ្វូន​គុណភាព​ខ្ពស់​យ៉ាង​ពិតប្រាកដ ជាមួយ​និង​រូបរាង​តូច ដ៏​ទាក់ទាញ​របស់ខ្លួន​។ Nokia 3 មាន​បួន​ពណ៌​ខុសៗ​គ្នា គឺ ខ្មៅ ទឹកប្រាក់ ខៀវ និង​ទង់​ដែង​។ វា​នឹងមាន​លក់​នៅ​ចុង ខែ ​មិថុនា ឆ្នាំ​២០១៧ ក្នុងតម្លៃ ១៤៣​ដុល្លារ​។​ ​ ​Nokia 5: ភ្លឺរលោង ល្អ​ប្រណីត ធន់​ប្រើ​បាន​យូរ​

​ទូរ​ស័ព្ទ Nokia 5 ត្រូវបាន​ផលិត​យ៉ាង​ផ្ចិតផ្ចង់​ចេញពី​លោហធាតុ​អាលុយមីញ៉ូម​កម្រិត​៦០០០​មួយ​ដុំ ដើម្បី​បង្កើត​បាន​រូបរាង​ដែល​ល្អ​ឥត​ខ្ចោះ ស្អាត​ភ្លឺរលោង ស័ក្តិ​សមនឹង​អេក្រង់​ធំ​ទំ​ហំ 5.2 " IPS HD អ៊ុត​ភ្ជាប់​ដោយ​សុញ្ញា​កាស​ប្រភេទ Corning®Gorilla®Glass​។ ដោយ​មាន​ការច្នៃប្រឌិត​ថ្មី​ថ្មី​ដំបូង​គេ ក្នុង​ការ​រចនា​អង់​តែ​ន Nokia 5 នាំមក​នូ​វ​រ​ចនាស​ម្ព័​ន្ធ​យ៉ាងរឹងមាំ ដោយ​ផ្តោត​ការ​យកចិត្តទុកដាក់​យ៉ាង​ល​ម្អិ​តគ្រប់ផ្នែក និង​គុណភាព​នៃ​ស្មា​ត​ហ្វូន​ទំនើ​ប ដែល​ប្រើ​បច្ចេកវិទ្យា​ខ្ពស់​ចុងក្រោយ​។ ដំណើរការដោយ​អង្គ​ប្រតិបត្តិការ Qualcomm® Snapdragon ™ 430 ស្មា​ត​ហ្វូន Nokia 5 ផ្ដល់​នូ​វ​ថា​ម​ពល​ថ្ម​ល្អ​ឥត​ខ្ចោះ ប្រព័ន្ធ​ក្រាហ្វិក​ទាំងអស់​ត្រូវបាន​កែ​កែ​ល​ម្អ​កាន់តែ​ប្រសើរ​ជាង​មុន ធ្វើឱ្យ​មាន​តុល្យភាព​នឹង​ការ​ប្រើប្រាស់​ប្រចាំថ្ងៃ ជាមួយនឹង​ការ​រចនា​ប្រកបដោយ​សោភ័ណភាព និង​ប្រណីតភាព​។​ ​ ​មាន​ហេតុផល​ជាច្រើន ដែល​លោកអ្នក​ត្រូវ​ប្រើ Nokia 5 គ្រប់​ពេលវេលា គ្រប់​ទីកន្លែង​ដែល​អ្នក​ទៅ ព្រោះ​វា​មាន​គុណសម្បត្តិ​ពិសេស​បន្ថែម​ជាច្រើន ដូចជា កាមេរ៉ា​ក្រោយ​ទំហំ 13MP បំពាក់​មុខងារ auto focus និង​មាន​ភ្លើង flash ពីរ រួមទាំង​កាមេរ៉ា​មុខ​ទំហំ 8MP កម្រិត​ចាប់​រូបភាព ៨៤ ដឺ​ក្រេ ដែល​ធ្វើឱ្យ​ការថតរូប​បែប​ស៊ែ​ល​ហ្វី​របស់អ្នក កាន់តែ​ធំ​ទូលាយ និង​ភ្លឺ​ច្បាស់​ត្រជាក់​ភ្នែក ពិសេស​វា​មាន​មុខងារ​ចាប់​រូបភាព​បានល្អ​ទាំង​នៅ​កន្លែង​ភ្លឺ និង​ទី​ងងឹត ។ Nokia 5 មាន បួន​ពណ៌​ខុសៗ​គ្នា​គឺ ខ្មៅ ទឹកប្រាក់ ខៀវ និង​ទង់​ដែង​។ វា​នឹងមាន​លក់​នៅ​ពាក់​កណ្តាលខែ​កក្ត​ដា ឆ្នាំ ២០១៧ ក្នុងតម្លៃ ១៩៣​ដុល្លារ​។​ ​ ​Nokia 6: ស្មា​ត​ហ្វូន​គុណភាព​ប្រណីត ផ្តល់​ការកម្សាន្ត​គ្មាន​ដែន​កំណត់ ​ ​តាម​រយៈ​ការ​សំយោគ​បញ្ចូលគ្នា​រវាង​ទឹកដៃ​សិល្បៈ​ប្រកបដោយ​ប្រណីត​ភាព សោភ័ណភាព និង​ការ​រចនា​ដ៏​លេចធ្លោ​ប្លែក​គេ រួមជាមួយ​នឹង​បទពិសោធ​ថ្មី​លើ​មុខងារ​ផ្នែក​សំឡេង ជាមួយ​និង​អេក្រង់ ទំហំ 5.5” full HD ស្មា​ត​ហ្វូន Nokia 6 ថ្មី ផ្ដល់​នូ​វ​បទពិសោធ​ស្មា​ត​ហ្វូន​កម្រិត​ខ្ពស់​ដ៏​ពិតប្រាកដ​។ Nokia 6 មាន​តួខ្លួន ផលិត​ចេញពី​លោហធាតុ​អាលុយមីញ៉ូម​កម្រិត ៦០០០ មួយ​ដុំ ដែល​ស័ក្តិ​សមបំ​ផុត​សម្រាប់​អ្នក​ដែល​ចង់បាន​ទូរ​ស័​ព្ទ​ដែល​រឹងមាំ ជាមួយ​កម្មវិធី​កម្សាន្ត​យ៉ាងច្រើន​សម្បូរបែប​។ វា​បំពាក់​ដោយ​ប្រ​ព័​ន្ធ​សំ​ឡេង ឆ្លាត​វៃ មាន speaker ចំនួន​ពី​រដែល​អាចឱ្យ​អ្នកប្រើប្រាស់​ទទួលបាន​នូ​វ​សំ​ឡេង​ឮ​ច្បាស់​ល្អ ខណៈដែល​ប្រព័ន្ធ​សំ​ឡេង Dolby Atmos® នឹង​ផ្តល់​នូ​វ​បទពិសោធ​ការកម្សាន្ត​ផ្នែក​ភាព​យ​ន្ត​ដ៏​អស្ចារ្យ​មួយ​ទៀ​ត​ពុំ​ធ្លាប់មាន​។​ ​ ​តាម​រយៈ​ពណ៌​ដ៏​លេចធ្លោ​របស់​វា Nokia 6 មាន​អេក្រង់​ដែល​ស្រោប​ដោយ​បន្ទះ​ការពារ​ព​ន្លឺ​ថ្ងៃ​ដែល​អាច​ឱ្យ​យើង​មើលឃើញ និង​អាន​បាន​ទោះជា​នៅចំ​ក្រោម​ព​ន្លឺ​ព្រះអាទិត្យ​យ៉ាងណាក៏ដោយ​។ ដំណើរការដោយ​អង្គ​ប្រតិបត្តិការ Qualcomm® Snapdragon ™ 430 និង​អង្គ​ក្រាហ្វិក Qualcomm® Adreno™ 505 ស្មា​ត​ហ្វូន Nokia 6 ផ្តល់​តុល្យភាព​រវាង​ការ​ប្រើប្រាស់ និង​ថា​ម​ពល​ថ្ម​បាន​យ៉ាង​ល្អ​ឥត​ខ្ចោះ ផ្តល់ជូន​នូ​វ​ការកម្សាន្ត​ដែល​មាន​គុណភាព ជាមួយ​ថា​ម​ពល​ថ្ម​ដែល​ប្រើ​បាន​រយៈពេល​យូរ​។ Nokia 6 មាន បួន​ពណ៌​ខុសៗ​គ្នា​គឺ ខ្មៅ ទឹកប្រាក់ ខៀវ និង​ទង់​ដែង​។ វា​នឹងមាន​លក់​នៅ​ពាក់​កណ្តាលខែ​កក្ត​ដា ឆ្នាំ ២០១៧​ក្នុងតម្លៃ ២២៩​ដុល្លារ​។​ ​ ​ប្រព័ន្ធ​ប្រតិបត្តិការ Android ពិតប្រាកដ​

​ស្មា​ត​ហ្វូន​ទាំងអស់​របស់ Nokia នឹង​ផ្តល់ជូន​អ្នក​នូ​វ​បទពិសោធ​ទូរ​ស័ព្ទ​ដែល​ប្រើ​ប្រ​ព័​ន្ធ​ប្រតិបត្តិការ Android ដ៏​ពិតប្រាកដ​។ ជាមួយនឹង​ប្រព័ន្ធ​អាប់​ដេ​ត​សុវត្ថិភាព​ប្រចាំខែ ស្មា​ត​ហ្វូន Nokia របស់​អ្នក​នឹងមាន​សុវត្ថិភាព កម្មវិធី​ទាន់​ស​ម័​យ ព្រម​ទាំង​គ្មាន​ភាព​រញ៉េរញ៉ៃ ដែល​ជា​ជ​ម្រើ​សដ៏​ល្អ និង​ពេញ​និយម​របស់​អតិ​ថិ​ជន​។ ជាមួយនឹង​ប្រព័ន្ធ​ប្រតិបត្តិការ Android ចុងក្រោយ​បំផុត រួមជាមួយ​និង​សមត្ថភាព​ថ្មី​ចុងក្រោយ​របស់​មុខងារ Doze ដែល​ជួយ​រក្សាទុក​ថា​ម​ពល​ថ្ម​នៅពេល​ទូរ​ស័ព្ទ​ទុកចោ​លមិន​មាន​ការ​ប្រើប្រាស់​។

ស្មា​ត​ហ្វូន Nokia ថ្មី ត្រូវបាន​បំពាក់​ដោយ​មុខងារ​ច្នៃប្រឌិត​ថ្មី​បំ​ផុត​របស់ Google ដែល Google Assistant បាន​សាង​នូ​វ​បទពិសោធន៍​កាន់តែ​អស្ចារ្យ​ដល់​អ្នកប្រើប្រាស់​ទូរ​ស័ព្ទ Android ។ ក្រុមការងារ​របស់​យើង បាន​ធ្វើការ​រួមគ្នា​ដើម្បី​ធានា​ឱ្យ​ច្បាស់​ថា រាល់​ការសន្ទនា​ទៅកាន់ Google Assistant ដំណើរការ បាន​យ៉ាង​រលូន​នៅលើ​ស្មា​ត​ហ្វូន Nokia ។​ ​ ​Nokia 3310: ទូរ​ស័​ព្ទ​ស៊េរី​ចាស់​ជំ​នា​ន់​ថ្មី​

​ជាមួយ​នឹង​រូប​រាងស្តើង​ស្រាល និង​ប្រើ​ធន់​បាន​យូរ​គ្មាន​ទូរ​ស័ព្ទណា​ដូច បានធ្វើឱ្យ Nokia 3310 ក្លាយជា​ទូរ​ស័ព្ទ​ដែល​លក់ដាច់​បំ​ផុត​មួយ​ក្នុង​ប្រវត្តិសាស្ត្រ​។ Nokia 3310 ត្រូវបាន​ផលិត​ជា​ថ្មី​ជាមួយ​កំណែប្រែ​ថ្មី ដោយសារតែ​វា​មាន​ពណ៌​ស្រស់ស្អាត ការ​រចនា​មាន​លក្ខណៈ​ទំនើប ពិសេស​កាន់​ថ្ម​បានយូរ ដោយ​អាចនិយាយបាន​រហូតដល់ ២២​ម៉ោង ហើយ​បើ​គ្រាន់តែ ទុក​សម្រាប់​ទទួល​ការ​ហៅចូល​វិញ គឺ​អាច​ទុក​បាន​ដល់​ទៅ​មួយខែ​ឯ​ណោះ​។ ​ ​អ្នកប្រើប្រាស់​អាច​ផ្ញើ​សារ និយាយ​បាន​ពេញ​មួយថ្ងៃ ថតរូប ស្តាប់​ច​ម្រៀង និង​លេង​ហ្គេម​ពស់​ដ៏​ល្បីល្បាញ​ជា​ថ្មី​ម្តង​ទៀត ដោយ​ប្រើ​ថា​ម​ពល​ថ្ម​តែមួយ​។ ជាមួយ​នឹង​សមត្ថភាព​កាន់​ថ្ម​បាន​យូរ​រហូតដល់​ពេញ​មួយខែ Nokia 3310 មាន​អ្វី​គ្រប់​យ៉ាង​ដែល​អ្នក​ធ្លាប់​ស្គាល់ និង​ស្រឡាញ់ ដូចជា​មាន​ស៊ុម​ផលិត​ពី​ប៉ូ​លី​កាបូន​រលោង​ទាន់​សម័យជា​ដើម​។ ចំណែក​ពណ៌​ប្រចាំ​ខ្លួន​របស់​វា កាន់តែ​ធ្វើឱ្យ Nokia 3310 រស់​រវើក និង​លេចធ្លោ​ជាង​មុន​ថែម​ទៀត​។ Nokia 3310 មាន​៤​ពណ៌ គឺ ក្រហម និង​លឿង ដែល​មាន​សម្បករ​លោង ចំណែក​ប្រ​ផេះ និង​ខៀវ មាន​សម្បក​គ្រើម ។ វា​នឹងមាន​លក់​នៅ​ចុង​ខែមិថុនា ឆ្នាំ ២០១៧ នេះ ក្នុង​តម្លៃ​៤៨​ដុល្លារ​។​ ​ ​សម្រាប់​ព័តមាន​បន្ថែម​សូម​ទា​ក់ទង​៖​ ​កា​រិ​យាល័យ​ព័​ត៌មាន HMD: press@hmdglobal.com