ភព "បំផុត" ទាំង ៧ ដែលអ្នកវិទ្យាសាស្ត្រប្រទះឃើញកន្លងមក

2017-06-16 06:33:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែការប្រមាញ់រកភពក្រៅប្រព័ន្ធព្រះអាទិត្យចេះតែបន្ត ហេតុធ្វើឲ្យអ្នកវិទ្យាសាស្ត្រប្រទះឃើញភព "បំផុត" ចំនួន ៧ ដូចខាងក្រោមនេះ៖

ភពក្ដៅជាងគេបំផុត

កម្ដៅក្ដៅរបស់ភពនីមួយៗគឺអាស្រ័យថាភពមានចម្ងាយជិតនឹងផ្កាយមេរបស់វាប៉ុណ្ណា ហើយផ្កាយមេដុតកម្ដៅក្ដៅប៉ុណ្ណា។ នៅក្នុងប្រព័ន្ធព្រះអាទិត្យ ភពពុធជាភពដែលនៅជិតព្រះអាទិត្យជាងគេ ដោយមានគម្លាតពីគ្នាប្រមាណ ៥៧ ៩១០ ០០០ គ.ម។ សីតុណ្ហភាពនៃភពពុធលើផ្ទៃដែលព្រះអាទិត្យចាំងចំមានរហូតដល់ប្រមាណ ៤៣០ អង្សាសេ ស្របពេលដែលព្រះអាទិត្យផ្ទាល់មានកម្ដៅផ្ទៃខាងក្រៅ ៥ ៥០០ អង្សាសេ។

ប៉ុន្តែផ្កាយដែលមានទំហំធំជាងព្រះអាទិត្យអាចដុតកម្ដៅបានក្ដៅជាងនេះ។ ផ្កាយ HD 195689 ឬ ឈ្មោះថា KELT-9 មានទំហំធំជាងព្រះអាទិត្យ ២,៥ ដង និង មានផ្ទៃខាងក្រៅកម្ដៅដល់ជិត ១០ ០០០ អង្សាសេ។ KELT-9b ដែលជាភពនៃផ្កាយនេះស្ថិតនៅជិតនឹងផ្កាយនេះ ជាងចម្ងាយភពពុធ និង ព្រះអាទិត្យទៅទៀត។ ត្បិតថាគេមិនអាចដឹងច្បាស់ពីចម្ងាយរវាង KELT-9 b និង KELT-9 ប៉ុន្តែវាចំណាយពេលត្រឹម ១,៥ ថ្ងៃប៉ុណ្ណោះដើម្បីរង្វិលជុំផ្កាយមេរបស់វា (ភពពុធប្រើពេល ៨៨ ថ្ងៃ)។ តាមរយៈតួលេខនេះគេអាចកំណត់បានថា KELT-9b មានកម្ដៅដល់ទៅ ៤ ៣០០ អង្សាសេ ស្ទើរតែស្មើកម្ដៅព្រះអាទិត្យទៅហើយ។

ភពត្រជាក់ជាងគេ

ដោយសារតែមានសីតុណ្ហភាពដល់ -២២៣ អង្សាសេធ្វើឲ្យភព OGLE-2005-BLG-390Lb ជាប់ជាភពត្រជាក់ជាងគេ។ ត្បិតថាភពនេះមានចម្ងាយមិនឆ្ងាយពីផ្កាយមេរបស់ខ្លួនប៉ុន្មាន ប៉ុន្តែដោយសារតែផ្កាយមេមានទំហំតូច ទើបមិនអាចបញ្ចេញកម្ដៅបានក្ដៅដូចផ្កាយមេដទៃ។

ភពធំជាងគេ

ភព DENIS-P J082303.1-491201 b ជាភពមានទំហំធំជាងគេក្នុងប្រវត្តិសាស្ត្រនៃរបកគំហើញរបស់អង្គការណាសា ដោយភពនេះមានទំហំធំជាងភពព្រហស្បតិ៍ដែលជាភពធំជាងគេក្នុងប្រព័ន្ធព្រះអាទិត្យដល់ទៅ ២៨,៥ ដង។

ភពតូចជាងគេ

ភពដែលមានទំហំតូចជាងគេក្នុងចំណោមភពដែលគេប្រទះឃើញកន្លងមកគឺ Kepler-37b ដោយវាមានទំហំធំជាងព្រះចន្ទតែបន្តិចប៉ុណ្ណោះ និង តូចជាងភពពុធ។

ភពចាស់ជាងគេ

ភព PSR B1620-26 b មានអាយុកាល ១២,៧ ពាន់លានឆ្នាំ គឺជាភពចាស់ជាងគេក្នុងចំណោមភពដែលគេបានស្គាល់។ ភពនេះមានទំហំធំជាងភពព្រហស្បតិ៍ ២,៥ ដង ដោយអាយុកាលរបស់វាក្មេងជាងចក្រវាលតែ ១ ពាន់លានឆ្នាំប៉ុណ្ណោះ (ចក្រវាលមានអាយុកាល ១៣,៨ ពាន់លានឆ្នាំ)។

ភពក្មេងជាងគេ

ប្រព័ន្ធភពព្រះគ្រោះ V830 Tauri មានអាយុកាលតែ ២ លានឆ្នាំប៉ុណ្ណោះ ដោយវាទំនងជាកំពុងបន្តលូតលាស់ទៅមុខទៀត ហេតុនេះធ្វើឲ្យវាជាទីតាំងមួយដែលមិនមានសុវត្ថិភាព។

ភពមានអាកាសធាតុអាក្រក់ជាងគេ

ដោយសារតែភពនៅក្រៅប្រព័ន្ធព្រះអាទិត្យមានចម្ងាយឆ្ងាយ ហេតុនេះគេមិនអាចសិក្សាច្បាស់ពីអាកាសធាតុលើភពទាំងនោះបានច្បាស់នោះទេ។ ដូចនេះយើងត្រូវត្រឡប់មកមើលភពក្នុងប្រព័ន្ធអាទិត្យវិញ។

ភពដែលមានអាកាសធាតុអាក្រក់ជាងគេក្នុងប្រព័ន្ធព្រះអាទិត្យគឺភពសុក្រ ដែលភពនេះមានព័ទ្ធជុំវិញដោយពពកដែលមានផ្ទុកដោយសារធាតុអាស៊ីតស៊ុលផួរិច។ ចំណែកបរិយាកាសវិញដើរលឿនជាងភពនេះបង្វិលទៅទៀត ដោយមានខ្យល់បក់ល្បឿនដូចខ្យល់ព្យុះ ៣៦០ គ.ម/ម៉។ មិនតែប៉ុណ្ណេះបរិយាកាសនៃភពនេះក្រាស់ជាងបរិយាកាសភពផែនដីជិត ១០០ ដង ហើយមានពោរពេញដោយសារធាតុកាបូនឌីអុកស៊ីតជាង ៩៥%៕

ប្រភព៖ sciencealert ប្រែសម្រួល៖ សុខហេង

ពាក្យទាក់ទង

វិទ្យាសាស្ត្រ អវកាស

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas