ក្រុមហ៊ុន​ Rovio ទើប​តែ​បាន​ប្រកាស​ដាក់​ឱ្យ​ទាញ​យក​ជា​លក្ខណៈ​ Worldwide នៃ​ហ្គេម​ Angry Birds Evolution ។​ វា​ជា​ប្រភេទ​ហ្គេម​ដែល​រើស​តួ​អង្គ​ច្រើន​បញ្ចូល​គ្នា​ ដើម្បី​ប្រយុទ្ធ​ជាមួយ​សត្វ​ជ្រូក​កំណាច​ដែល​ជា​សត្រូវ​របស់​វា តាំង​ពី​វគ្គ​នៃ​ហ្គេម​មុនៗ​។​

ប្រភេទ​ហ្គេម​នេះ​មាន​លក្ខណៈ​ខុស​ពី​ហ្គេម​ Angry Birds ជំនាន់​ទៅ ដែល​ទាញ​ខ្សែ​ចំ​ពាម​ប្រលែង​បក្សី​ទៅ​សម្លាប់​ជ្រូក ផ្ទុយ​ទៅ​វិញ​នេះ​ជា​លក្ខណៈ​បញ្ជា​តួ​អង្គ​ម្ដង​មួយ​ ហើយ​មាន​ការ​វិវត្ត​ទៅ​មុខ​ផ្ទួនៗ គ្នា​។ បន្ថែម​ពី​នេះ​ Rovio ក៏​អនុញ្ញាត​ឱ្យ​យើង​យក​តួ​អង្គ​នៃ​បក្សី​ទៅ​ប្រយុទ្ធ​ជាមួយ​គណនី​ផ្សេងៗ​ទៀត​តាម​រយៈ​ Online ដែល​យើង​ហៅ​ថា​ ការ​ប្រកួត​ PVP ។​

+លក្ខណៈ​ពិសេស​នៃ​ហ្គេម​:

• បញ្ចូល​តួ​អង្គ​ ១០០ ប្លែកៗ​ពី​គ្នា​ ​​​- ការ​ប្រមូល​ផ្តុំ​នៃ​បក្សី​ដើម្បី​ប្រយុទ្ធ​ជាមួយ​ជ្រូក
• រៀប​ចេញ​ជា ៥ ថ្នាក់​នៃ​បក្សី ព្រម​សមត្ថភាព​ខុស​ៗ​គ្នា​
• វិវត្ត​បក្សី​របស់​អ្នក​ទៅ​ជា​កំពូល​បក្សី​ (Super Birds)
• ស្វែង​រក​នៅ​កោះ​និង​បញ្ឈប់​ Bacon Corp
• ប្រយុទ្ធ​ជាមួយ​អ្នក​លេង​ផ្សេង​ក្នុង​វគ្គ​ Oinktagon
• ចូល​ Clans ដើម្បី​ដោះ​យក​ Perks និង​ប្រកួត​ជាមួយ​ Clans ដទៃ
• ផ្ញើ​ចេញ​អ្នក​ស៊ើប​ការ​ដើម្បី​ទទួល​បាន​រង្វាន់​និង​ប្រកួត​ជាមួយ​គេ​។

ចុច​ទាញ​យក​សម្រាប់​ iOS | Android

ប្រភព៖ iclarified   ប្រែសម្រួល៖ កៅ រក្សា