ក្តៅៗ! កងទ័ពជើងទឹកអាមេរិក បាត់ខ្លួន៧នាក់ ក្រោយនាវាចម្បាំងបុកគ្នា នៅសមុទ្រជប៉ុន
- 2017-06-17 02:12:10
- ចំនួនមតិ 0 | ចំនួនចែករំលែក 0
ក្តៅៗ! កងទ័ពជើងទឹកអាមេរិក បាត់ខ្លួន៧នាក់ ក្រោយនាវាចម្បាំងបុកគ្នា នៅសមុទ្រជប៉ុន
ចន្លោះមិនឃើញ
សមាជិកនាវិកនៃកងទ័ពជើងទឹកអាមេរិក ចំនួន ៧ នាក់បានបាត់ខ្លួន បន្ទាប់ពីនាវារបស់ពួកគេ បានបុកជាមួយនឹង នាវាអ្នកជំនួញមួយគ្រឿង នៅឆ្នេរសមុទ្រនៃប្រទេសជប៉ុន។ នេះបើយោងតាមសារព័ត៌មាន BBC។
ហេតុការណ៍គ្រោះថ្នាក់ខាងលើនេះ បានកើតឡើងរវាងនាវាចម្បាំង USS Fitzgerald និងនាវាអ្នកជំនួញមួយគ្រឿងទៀត នៅវេលាម៉ោង ២ និង ៣០ នាទីព្រឹក (ម៉ោងក្នុងតំបន់) នៅចម្ងាយប្រមាណជា ១០៣ គីឡូម៉ែត្រពីភាគនិរតី នៃទីក្រុង Yokosuka ប្រទេសជប៉ុន។
បើតាមទូរទស្សន៍ជប៉ុន NHK បានបង្ហាញឲ្យឃើញ រូបភាពនៃការខូចខាតផ្នែកចំហៀងធ្ងន់ធ្ងរ របស់នាវាចម្បាំងអាមេរិកនោះ។ នាវិករងរបួសម្នាក់ ត្រូវបានជម្លៀសចេញទៅមន្ទីរពេទ្យ ដោយឧទ្ធម្ភាគចក្ររបស់ឆ្មាំសមុទ្រ។
ទោះបីជាយ៉ាងណា ក្រោយពេលកើតហេតុ នាវាចម្បាំងខាងលើ បានបន្តធ្វើដំណើរទៅកាន់ទីក្រុង Yokosuka ដោយខ្លួនឯង។ ឆ្មាំសមុទ្រ បានប្រាប់ឲ្យដឹងថា នាវាអ្នកជំនួញនោះ មានទង់ជាតិហ្វីលីពីន ហើយមានទម្ងន់មិនដល់ ៣០ ០០០ តោនឡើយ៕