បើ Ronaldo ចាកចេញ តើ Real Madrid ប្រែប្រួលយ៉ាងណាទៅ?

2017-06-17 03:29:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានបញ្ជាក់ហើយថារូបគេចង់ចាកចេញពីអេស្ប៉ាញ ដោយសារតែរញ៉េរញ៉ៃរឿងបង់ពន្ធខ្លាំងពេក ខណៈដែលខ្លួនប្រាប់ហើយថាមិនមានគេចពន្ធអ្វីនោះទេ។

ចុះបើខ្សែប្រយុទ្ធរូបនេះ ចាកចេញពី Real Madrid មែន តើទម្រង់លេងក្រុមទាំងមូលនេះនឹងទៅជាយ៉ាងណាទៅ? បើតាមការព្យាករណ៍របស់អ្នកជំនាញនានានោះ គឺ Real Madrid ក្រោមការដឹកនាំរបស់ Zidane អាចនឹងទិញកីឡាករថ្មីបន្ថែម ហើយបើមិនចង់ទិញទេក៏បានដែរ ព្រោះបច្ចុប្បន្ននេះពួកគេមានកីឡាករសមត្ថភាពខ្ពស់ៗរួចជាស្រេចទៅហើយ។

មិនទិញកីឡាករថែម

បើមិនទិញកីឡាករថែមទេ ច្បាស់ណាស់ទម្រង់លេងរបស់ Real Madrid នឹងលើកយក Gareth Bale មកដាក់ ហើយ Isco ជាអ្នកលេងបម្រើប្រយុទ្ធកណ្ដាលដដែល។ ដូចកាលពីប៉ុន្មានប្រកួតចុងក្រោយរដូវកាលមុនអីចឹង។ តំបន់បម្រើនឹងការពាររបស់ Real អាចនិយាយបានថារឹងម៉ាំហើយ ប្រសិនបើមិនមានកីឡាកររបួសច្រើនទេនោះ ដូច្នេះទោះជាអវត្តមាន Ronaldo ក្រុម Real Madrid នៅតែល្អដដែល ប៉ុន្តែមិនប្រាកដថាអាចរកគ្រាប់បាល់បានច្រើននោះទេ។

ទិញកីឡាករបន្ថែម

Real Madrid កំពុងតែចង់បានខ្សែប្រយុទ្ធវ័យក្មេងបារាំង Mbappe របស់ក្រុម Monaco ។ ខ្សែប្រយុទ្ធរូបនេះ មានសមត្ថភាពល្អ ហើយលេងនៅតំបន់ស្លាប អូសបាល់យ៉ាងជំនាញថែមទៀត។ ដូច្នេះហើយ បើ Real Madrid អាចទិញរូបគេបាន នោះ Ronaldo ចាកចេញទៅ ច្បាស់ណាស់ថារូបគេអាចនឹងក្លាយជាជម្រើសដំបូងសម្រាប់ក្រុមរបស់លោក Zidane ជាក់ជាមិនខាន។

យ៉ាងណាមិញ ការចាកចេញរបស់ Ronaldo នៅមិនទាន់ច្បាស់១០០%នោះទេ ព្រោះក្លឹប Real Madrid ក៏មិនទាន់ចង់លក់រូបគេដែរ ក្រោយពីប្រធានក្រុមព័រទុយហ្គាល់រូបនេះជួយក្រុមច្រើននៅរដូវកាលមុន៕

ប្រភព៖ Goal ប្រែសម្រួល៖ មុន្នីរម្យ