Alves ៖ Dybala គួរចេញពី Juventus បើចង់ល្បីឈ្មោះជាងនេះ
- 2017-06-17 03:15:57
- ចំនួនមតិ 0 | ចំនួនចែករំលែក 0
Alves ៖ Dybala គួរចេញពី Juventus បើចង់ល្បីឈ្មោះជាងនេះ
ចន្លោះមិនឃើញ
Dani Alves ផ្ដាំទៅ Paulo Dybala ថាគួរតែគិតពីការចាកចេញពីក្រុម Juventus ទៅ ប្រសិនបើរូបគេចង់ពង្រឹងសមត្ថភាពបន្ថែម និងសាងភាពល្បីល្បាញថែមទៀតនោះ។
Dybala រកបាន១៩គ្រាប់កាលពីរដូវកាលមុន និងរកបានគ្រាប់ថែមទៀតនៅ Champions league ហើយជួយឱ្យក្រុម Juventus អាចឡើងដល់វគ្គផ្ដាច់ព្រ័ត្របាន។ កត្តានេះហើយ បានធ្វើឱ្យខ្សែបម្រើប្រយុទ្ធរូបនេះ ទទួលបានការចាប់អារម្មណ៍ច្រើនពីបណ្ដាក្លឹបធំៗជាច្រើន។
ដើម្បីជាយោបល់ Alves ចង់ឃើញកីឡាករអាហ្សង់ទីនរូបនេះចាកចេញពីក្លឹប Juventus ទៅ ដើម្បីស្វែងរកបទពិសោធថ្មី និងពង្រឹងសមត្ថភាពបន្ថែម។ “គាត់កំពុងតែធ្វើបានល្អហើយ ទៅថ្ងៃអនាគតគាត់នឹងខ្លាំងជាងនេះ។ ដើម្បីជាការទទួលយកអ្វីថ្មី ខ្ញុំចង់ឃើញគាត់ផ្លាស់ទៅលេងនៅក្លឹបថ្មី ដែលខ្លាំងនិងមានការប្រកួតប្រជែងជាងនេះ”។
ខ្សែប្រយុទ្ធវ័យ២២ឆ្នាំខាងលើ ទទួលបានការចាប់អារម្មណ៍ពីបណ្ដាក្លឹប២គឺ Real Madrid និង FC Barcelona ប៉ុន្តែក្រោយពីប្រធានក្លឹប Juventus បន្ដកុងត្រាឱ្យរូបគេច្រើនឆ្នាំទៅ នៅពេលនេះ ដំណឹងដែលចង់បាននោះ ត្រូវស្ងប់ស្ងាត់ទៅវិញហើយ៕