កាល​ពី​ថ្ងៃ​សុក្រ​សប្ដាហ៍​មុន​អភិបាល​ក្រុង​ប៉ារីស​ ​លោក​ស្រី​ ​Anne Hidalgo​ ​បាន​សាកល្បង​ជិះ​តាក់ស៊ី​លើ​ទឹក​មួយ​ប្រភេទ​ម៉ូដែល​ ​SeaBubbles​ ​ក្នុង​ទន្លេ​ ​Seine​ ​ដ៏​ទាក់ទាញ។

SeaBubbles​ ​មាន​វិមាត្រ​តួ​ខ្លួន​ ​ទទឹង​ជាង​ ​២​ ​ម៉ែត្រ​ ​និង​បណ្ដោយ​ជាង​ ​៤​ ​ម៉ែត្រ​ ​អាច​ផ្ទុក​មនុស្ស​បាន​ ​៨​ ​នាក់​ ​ដំណើរការ​ដោយ​អាគុយ​កម្លាំង​ ​២០ គីឡូវ៉ាត់/ម៉ោង និង​ម៉ូទ័រ​ ២x១០ គីឡូវ៉ាត់​។ ល្បឿន​រត់​ជា​មធ្យម​ ៩ គម/ម ហើយ​ល្បឿន​ខ្ពស់​បំផុត​ ២៥ គម/ម ។

បច្ចេកវិទ្យា​នាវា​ ​SeaBubbles​ ​ត្រូវ​គេ​រាប់​បញ្ចូល​ជា​ប្រភេទ​តាក់ស៊ី​លើ​ទឹក​ដ៏​ទំនើប​មួយ​ ​ដែល​បង្ហាញ​ដំបូង​ជា​លក្ខណៈ​វីដេអូ​គំរូ​​ក្នុង​សន្និសីទ​ ​Viva Tech​ ​នា​ទីក្រុង​ប៉ារីស​ ​ប្រទេស​បារាំង​ ​ដែល​បង្កើត​ដោយ​លោក​ Alain Thebault និង​ Anders Bringdal។

Today, #Paris' mayor @Anne_Hidalgo tries for the first time a @SeaBubbles in the Seine river. A new & innovative system for water mobility pic.twitter.com/YbInutVOZg

— Carlos MORENO (@CarlosMorenoFr) June 16, 2017

ដោយ​ឡែក​ ​SeaBubbles​ ​កំពុង​ស្ថិត​ក្នុង​គម្រោង​រៃអង្គាស​ ​ដែល​ត្រូវ​ការ​ប្រមាណ​ ​២០​ ​ទៅ​ ​៣០​ ​លាន​អឺរ៉ូ​ដើម្បី​សម្រេច​នូវ​គំហើញ​ថ្មី​នេះ។ លោក​ ​Bringdal​ ​បាន​ថ្លែង​ ​"បច្ចុប្បន្ន​លោក​បាន​ដាក់​ដំណើរការ​សាកល្បង​នូវ​តាក់ស៊ី​លើ​ទឹក​ SeaBubbles​ ​ចំនួន​ ​៤​ ​ដើម្បី​សង្កេត​មើល​ពី​ដំណើរការ​របស់​វា​ ​ហើយ​គាត់​មាន​បំណង​បន្ថែម​ទៅ​​ក្នុង​​​ទឹកដី​អាមេរិក​ ​និង​អឺរ៉ុប​នៅ​ពេល​ខាង​មុខ​"៕

ចុចអានបន្ត ៖

• ភព "បំផុត" ទាំង ៧ ដែល​​អ្នក​វិទ្យាសាស្ត្រ​​​​ប្រទះ​ឃើញ​កន្លង​មក​
• ចង់​ក្លូន​មនុស្ស​តាម​កម្មវិធី Photoshop និង Premiere Pro ងាយ​ចឹង​ទេ!

ប្រភព៖ The Verge   អត្ថបទ ៖ កៅ រក្សា