Bayern Munich ជិតទិញបានយុវជនកូរ៉េម្នាក់ ដោយឲ្យប្រាក់ខែច្រើនមិនធម្មតា

2017-06-21 03:31:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខ្លាំងនៅអាល្លឺម៉ង់ Bayern Munich កាន់តែខិតជិតទិញបានយុវជនឆ្នើមរបស់កូរ៉េខាងត្បូង Jung Woo-Yeong ពីក្រុម Incheoun United ហើយ។ នេះយោងតាមសារព័ត៌មានពីកូរ៉េខាងត្បូង។

តាម Naver Sports ក្រុមទាំងពីរបានយល់ព្រមលើតម្លៃខ្លួន៧០០ ០០០អឺរ៉ូ ហើយBayern នឹងផ្ដល់ប្រាក់ខែ២០០ ០០០អឺរ៉ូក្នុង១ខែដល់ Jung។ យ៉ាងណាក្ដី ប្រសិនជាទិញបានមែន កីឡាករកូរ៉េខាងត្បូងរូបនេះមិនទាន់អាចផ្លាស់ទៅ Bundesliga ភ្លាមៗទេ រងចាំដល់ខែមករាឆ្នាំក្រោយ ព្រោះមិនទាន់គ្រប់អាយុ១៨ឆ្នាំ ដែលជាច្បាប់របស់ FIFA។

Bayern បាននិយាយថា ពួកគេតាមប្រមាញ់កីឡាករវ័យ១៧ឆ្នាំពី Incheoun United ជាច្រើនខែមកហើយ។ Jung បានបង្ហាញសមត្ថភាពយ៉ាងលេចធ្លោក្នុង K-league ដោយលេងបាន៧ប្រកួតរកបាន៧គ្រាប់។ បើអ្វីៗក្លាយជាការពិត Jung នឹងក្លាយជាកីឡាករកូរ៉េខាងត្បូងទី២ លេងនៅ Bundesliga តាមសិស្សច្បង Son Heung-min ដែលធ្លាប់លេងនៅ Bayer Leverkusen និង Humburg៕