Mourinho ចេញមកឆ្លើយតប ក្រោយជួបរឿងចោទបន្លំពន្ធដូច Ronaldo
- 2017-06-21 02:28:35
- ចំនួនមតិ 0 | ចំនួនចែករំលែក 0
Mourinho ចេញមកឆ្លើយតប ក្រោយជួបរឿងចោទបន្លំពន្ធដូច Ronaldo
ចន្លោះមិនឃើញ
លោក Jose Mourinho បានបញ្ចេញសេចក្ដីថ្លែងការណ៍មួយតាមរយៈភ្នាក់ងាររបស់ខ្លួនលោក ដោយសង្កត់ធ្ងន់ៗថា លោកស្ថិតក្នុងភាពត្រឹមត្រូវនៃច្បាប់កាតព្វកិច្ចបង់ពន្ធ និងមិនបានឭការចោទប្ដឹងអ្វីពីអាជ្ញាធរពន្ធរបស់អេស្ប៉ាញនោះទេ។
យោងតាមសារព័ត៌មានអេស្ប៉ាញ El Pais បានចុះផ្សាយកាលពីម្សិលមិញថា Mourinho អតីតអ្នកចាត់ការក្រុម Chelseaត្រូវបានចោទពីបទបន្លំគេចពន្ធក្នុងទំហំទឹកប្រាក់៣,៣លានអឺរ៉ូ ដោយអាជ្ញាធរក្នុងប្រទេសអេស្ប៉ាញ អំឡុងពេលដឹកនាំ Real Madrid និងកំពុងស្ថិតក្នុងការសង្ស័យ២បទល្មើសសម្រាប់ពន្ធលើចំណូលផ្ទាល់ខ្លួន។ ប៉ុន្តែអ្នកចាត់ការវ័យ៥៤ឆ្នាំបានច្រានចោលទាំងអស់ ចំពោះការចោទប្រកាន់ទាំងឡាយ។
“ Jose Mourinho មិនបានទទួលការចោទប្រកាន់អ្វីទាំងអស់ទាក់ទងនឹងសារព័ត៌មានបានចុះកាលពីម្សិលមិញ។ រហូតមកដល់ពេលនេះមិនមានអាជ្ញាធរពន្ធដារអេស្ប៉ាញឬព្រះរាជអាជ្ញាសាធារណៈបានទាក់ទងមក Mourinho ឡើយ។ Jose ដែលរស់នៅប្រទេសអេស្ប៉ាញពីខែ មិថុនា ឆ្នាំ ២០១០ ដល់ ឧសភា ឆ្នាំ ២០១៣ បានបង់មិនក្រោម២៦លានអឺរ៉ូឡើយសម្រាប់ពន្ធ ក្នុងអត្រាកាត់ពន្ធ៤១%”។ សេចក្ដីថ្លែងការណ៍របស់ភ្នាក់ងាររបស់ Mourinho។
ករណីនេះមិនខុសពីរឿងរបស់ Cristinao Ronaldo ដែលទើបតែផ្ទុះកាលពីប៉ុន្មានថ្ងៃមុនឡើយ។ Ronaldo នឹងត្រូវឡើងតុលាការនៅថ្ងៃទី ៣១ ខែ កក្កដា ទាក់ទងនឹងការបន្លំពន្ធ ប្ដឹងដោយអាជ្ញាធរអេស្ប៉ាញ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
