អត្ថន័យសញ្ញាលេខគុណ (x) ក្នុងអាល់ប៊ុម ២x៥ របស់ SWSB (វីដេអូ)

2017-06-22 06:51:24
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីអាល់ប៊ុម ២x៥ របស់ Smallworld Smallband បានប្រកាសចេញជាផ្លូវការ អ្នកគាំទ្រប្រាកដជាបានឃើញសញ្ញាលេខ (x) ក្នុងអាល់ប៊ុមនេះហើយ អ្នកគាំទ្រមួយចំនួនបានដឹងពីអត្ថន័យនិងមួយចំនួនក៏មិនទាន់ដឹង។

តាមដានទាំងអស់គ្នាថាសញ្ញានេះមានន័យបែបណា៖

នៅក្នុងសញ្ញាលេខគុណ (X) នេះមានរូបតំណាងចំនួន៥គឺ រូបសីដក់ រូបថ្នាក់ទី១២ រូបជក់ រូបឯកសណ្ឋានតៃក្វាន់ដូ និង រូបបេះដូង។

១. សីដក់៖ តំណាងឲ្យមេក្រុមគឺ រៀម សុខភិរម្យ លោកបានចាប់អាជីពជាកីឡាករសីដក់ជម្រើសជាតិរយៈពេលប្រមាណជា១០ឆ្នាំមកហើយ។

២. ថ្នាក់ទី១២៖ តំណាងឲ្យសមាជិកក្មេងបំផុតប្រចាំក្រុមគឺ ម៉ម ពេជ្ជរិទ្ធ ព្រោះពេលនេះគេកំពុងសិក្សាថ្នាក់ទី១២នៅ វិទ្យាល័យសន្ធរមុខ។

៣. រូបជក់៖ គឺសំដៅទៅដល់តារាចម្រៀងស្រីប្រចាំក្រុម រិទ្ធី លំអរកេសរ សព្វថ្ងៃនាងជាអ្នករចនារូបភាពឯករាជ្យ ដែលបញ្ចប់ការសិក្សាមកពីសាកលវិទ្យាល័យភូមិន្ទនិងវិចិត្រសិល្បៈ។

រូបផ្ដល់ឲ្យ

៤. ឯកសណ្ឋានតៃក្វាន់ដូ៖តំណាងឲ្យប្រុសស្អាតប្រចាំក្រុម ដេវិដ សុភីរ៉ុង ដែលជាអ្នកលេងស្គរដ៏ឆ្នើមប្រចាំ ក្រុមចម្រៀង Smallworld Smallband តែការងារស្នូលរបស់លោកគឺ ជម្រើសជាតិតៃក្វាន់ដូ។

៥. បេះដូង៖ តំណាងឲ្យក្ដីស្រលាញ់ទាំងអស់ដែលទទួលបានសម្រាប់ការធ្វើដំណើរក្នុងការផលិតអាល់ប៊ុមរបស់ពួកគេ ដែលទទួលបានពី ក្រុមគ្រួសារ មិត្តភ័ក្ដិ និងអ្នកគាំទ្រ៕

អត្ថបទ៖ Samedy