កីឡាករកំពូលៗ របស់ Muangthong ៦នាក់ ច្បាស់ថាមកលេងទល់ All Star កម្ពុជា

2017-06-22 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម K-Cement Cambodian All Stars របស់កម្ពុជា នឹងត្រូវតតាំងលក្ខណៈមិត្តភាពជាមួយក្រុមជើងឯកលីគកំពូលថៃ SCG Muangthong United នៅថ្ងៃទី១៦ខែកក្កដាឆ្នាំ២០១៨ខាងមុខនេះ។

ក្នុងជំនួបសងសឹងនេះដែរ លោក Ronnarit Suewaja អ្នកគ្រប់គ្រងទូទៅរបស់ក្លឹប SCG Muangthong United បាននិយាយកាលពីធ្វើសន្និសីទថាក្រុមរបស់លោករីករាយក្នុងការត្រលប់មកលេងជាមួយក្រុមតំណាងកម្ពុជាម្ដងទៀត។ ខណៈដែលឆ្នាំនេះ លោករំពឹងថានឹងអាចនាំយកកីឡាករល្អៗទាំងអស់តែម្ដង ដើម្បីបង្កើតការប្រកួតមួយដែលពិតជាល្អមើលសម្រាប់អ្នកគាំទ្រដ៏ច្រើននៅកម្ពុជា។

Charyl Chappuis

ទាក់ទិននឹងការនាំយកកីឡាករមកលេងនេះដែរ ខាងក្លឹបផ្ទាល់បានបញ្ជាក់ជាមួយកីឡាករបានខ្លះៗហើយ ពោលគឺកីឡាករ Key player ៦នាក់បានសម្រេចចិត្តថានឹងមកលេងទល់ក្រុម K-Cement Cambodian All Stars របស់កម្ពុជានៅពេលខាងមុខនេះ។ ដោយកីឡាករទាំង៦នាក់នោះរួមមាន ខ្សែបម្រើ Charyl Chappuis ខ្សែការពារ Sarach ខ្សែបម្រើប្រេស៊ីល Heberty និង Celio ខ្សែបម្រើកូរ៉េខាងត្បូង Lee Ho និងខ្សែការពារជប៉ុន Aoyama ។

Sarach

ការប្រកួតមិត្តភាពខាងលើនេះដែរ គឺជាការប៉ះគ្នាលើកទី២ហើយសម្រាប់ក្រុមទាំងពីរ ដោយកាលពីលើកមុននោះ ក្រុមតំណាងកម្ពុជាបានយកឈ្នះលើក្រុម SCG Muangthong United ក្នុងលទ្ធផល ៤-៣ ក្រោមក្រសែភ្នែកអ្នកគាំទ្រពេញពហុកីឡដ្ឋានជាតិតែម្ដង៕