អភូតហេតុ! ទារកម្នាក់ ជាប់ក្នុងសាលារៀន ដែលរងបំផ្ទុះគ្រាប់បែក អត់អាហារ៤ថ្ងៃ តែអាចនៅមានជីវិត
- 2017-06-23 00:54:33
- ចំនួនមតិ 0 | ចំនួនចែករំលែក 0
អភូតហេតុ! ទារកម្នាក់ ជាប់ក្នុងសាលារៀន ដែលរងបំផ្ទុះគ្រាប់បែក អត់អាហារ៤ថ្ងៃ តែអាចនៅមានជីវិត
ចន្លោះមិនឃើញ
វីដេអូឃ្លិបដ៏គួរឲ្យភ្ញាក់ផ្អើល និងខ្លោចចិត្តមួយខ្សែ បានបង្ហាញឲ្យឃើញ ទារកស្រែកឃ្លាន ដោយសារអត់អាហារដល់ទៅ ៤ ថ្ងៃ តែអាចរស់រានមានជីវិត ត្រូវបានគេជួយសង្គ្រោះ ចេញពីសាលារៀនមួយកន្លែង ដែលទទួលរងការបំផ្ទុះគ្រាប់បែក នៅក្នុងទីក្រុងម៉ូស៊ូល ប្រទេសអ៊ីរ៉ាក់។
វីដេអូនោះក៏បង្ហាញឲ្យឃើញ ទាហានអ៊ីរ៉ាក់ ជួយបោសសម្អាតធូលីដី ចេញពីទារកអាយុ ១ ឆ្នាំនោះ ខណៈម្ដាយរបស់គេ បានស្លាប់នៅក្នុងការប្រយុទ្ធគ្នារវាង ក្រុមរដ្ឋអ៊ីស្លាម ISIS និង កងទ័ពរដ្ឋាភិបាល។
ទារកដ៏គួរឲ្យអាណិតរូបនោះ ត្រូវបានរកឃើញ នៅពេលដែលទាហានអ៊ីរ៉ាក់ បានចូលទៅតំបន់ Old City ដែលជាបន្ទាយចុងក្រោយបង្អស់របស់ ក្រុមរដ្ឋអ៊ីស្លាម ISIS នៅក្នុងទីក្រុងម៉ូស៊ូល។
គួរបញ្ជាក់ថា កងទាហានអ៊ីរ៉ាក់ បានបើកការវាយលុក ដើម្បីដណ្ដើមយក Old City ដែលជាតំបន់តែមួយគត់ ស្ថិតក្រោមការគ្រប់គ្រង របស់ក្រុមរដ្ឋអ៊ីស្លាម ISIS នៅក្នុងទីក្រុងម៉ូស៊ូល កាលពីថ្ងៃអាទិត្យសប្ដាហ៍មុន៕
សូមទស្សនាវីដេអូខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
