អាសូរណាស់! លោកតាម្នាក់ទឹមជាមួយក្របីមួយក្បាល កំពុងធ្វើឱ្យពិភពលោករំជួលចិត្ត
- 2017-06-25 05:10:12
- ចំនួនមតិ 0 | ចំនួនចែករំលែក 0
អាសូរណាស់! លោកតាម្នាក់ទឹមជាមួយក្របីមួយក្បាល កំពុងធ្វើឱ្យពិភពលោករំជួលចិត្ត
ចន្លោះមិនឃើញ
លោកតា Sitaram ជាកសិករក្រីក្រម្នាក់រស់នៅភាគខាងជើង នៃប្រទេសឥណ្ឌា មានត្រឹមក្របីមួយក្បាលប៉ុណ្ណោះក្នុងជីវិតរស់នៅប្រចាំថ្ងៃ ដើម្បីធ្វើជាមធ្យោបាយចិញ្ចឹមជីវិតលោកតា និងភរិយា កំពុងធ្វើឱ្យពិភពលោកទាំងមូលរំជួលចិត្តអាណិតជាខ្លាំង។ នេះបើតាមសារព័ត៌មានBBC។
តាមរយៈខ្សែវីដេអូខ្លីមួយ ដែលមានមនុស្សចូលទស្សនារាប់ម៉ឺននាក់បានឱ្យដឹងទៀតថា លោកតាខាងលើ និងភរិយារស់នៅជាមួយក្របីមួយក្បាលនេះរយៈពេលជាយូរមកហើយ ដោយពុំទទួលបានការផ្ដល់ជំនួយពីខាងណានោះទេ។ ជារៀងរាល់ថ្ងៃប្រពន្ធរបស់លោកតា ជាអ្នកកាន់នង្គ័លពីក្រោយ ដើម្បីភ្ជួរស្រែចម្ការ ចំណែកលោកតាជាអ្នកទឹមជាមួយក្របីមួយក្បាលនោះ គួរឱ្យអាណិតបំផុត។
តាមវីដេអូដដែលនោះ បានបង្ហាញទៀតថា ក្រៅពីមានខ្សែជីវិតដ៏លំបាកបែបនេះហើយ អ្វីដែលគួរអាណិតខ្លាំងបំផុតនោះ គឺដៃស្ដាំរបស់លោកតាពុំមានម្រាមនោះទេ គឺដាច់ទាំងអស់។ យ៉ាងណាក្ដីដើម្បីរស់រានមានជីវិតនៅលើផែនដី លោកតា និងភរិយាតស៊ូរស់នៅយ៉ាងលំបាកបំផុត។
តាមប្រភពដដែលក៏បានឱ្យដឹងដែរថា ដោយសារពីរនាក់ប្ដីប្រពន្ធខាងលើ មិនមានអត្តសញ្ញាណប័ណ្ណ ទើបមិនទទួលបានជំនួយអ្វីពីរដ្ឋាភិបាលឥណ្ឌានោះទេ។ ប៉ុន្តែរដ្ឋាភិបាលឥណ្ឌាបាននិយាយថា ក្នុងករណីនេះរដ្ឋាភិបាលអាចផ្ដល់ជំនួយបាន ទោះមិនមានអត្តសញ្ញាណប័ណ្ណក៏ដោយ៕
ទស្សនាវីដេអូ៖