៦ចំណុចសំខាន់ៗអ្នកគាំទ្រគួរដឹងមុនទស្សនាវីដេអូភាគ "ស្រទន់មន្តស្នេហ៍"

2017-06-26 06:09:11
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូភាគខ្នាតធំ "ស្រទន់មន្តស្នេហ៍" ត្រៀមចាក់បញ្ចាំងជាផ្លូវការហើយនៅលើកញ្ចក់ទូរទស្សន៍ CTN។ ៦ចំណុចខាងក្រោមនេះអ្នកគាំទ្រគួរដឹងមុនទស្សនាវីដេអូភាគទូរទស្សន៍ខ្នាតធំដំបូងបង្អស់នៅកម្ពុជា៖

១. ក្រុមការងារចំណាយពេលផលិតពេញ១ឆ្នាំ

ទម្រាំស្វែងរកទីតាំង ជ្រើសរើសតួ សរសេរអត្ថបទរឿង និងដំណើរការថត ក្រុមការងារចំណាយពេលមិនជាង១ឆ្នាំនោះទេទម្រាំផលិតរឿងនេះបានជោគជ័យ។

២. ប្រមូលផ្ដុំដោយតារាឯក

អាចនិយាយបានថាវីដេអូភាគ "ស្រទន់មន្តស្នេហ៍" ជាវីដេអូភាគដំបូងគេដែលមានតួធំៗសម្ដែងរួមគ្នាជាង១០រូបដែលសុទ្ធសឹងតែជាតួសំខាន់ដូចជា ប៊ឺរី, នៅ ម៉ារីសា, សៀម ស្រនិច, វី យ៉ារ៉ូ, គួង, ពុធ ស្រីខួច ជាដើម ជាពិសេសតួអង្គនីមួយៗមានអត្តចរិតតួអង្គសម្ដែងប្លែកគ្នាទៀតផង។

៣. ថតចេញពីប្រលោមលោកដ៏ពេញនិយមបំផុត

មុននឹងក្លាយជាវីដេអូភាគដែលផលិតដោយ Studio4 “ស្រទន់មន្តស្នេហ៍" មានអ្នកអានជាង៣លាននាក់រួចមកហើយពេលនៅ ប្រលោមលោក Sabay។ ចំនួននេះហើយដែលធ្វើឲ្យ "ស្រទន់មន្តស្នេហ៍" ក្លាយជាប្រលោមលោកពេញនិយមបំផុតរបស់យុវវ័យ។

៤. បច្ចេកទេសបទដ្ឋានភាពយន្តខ្នាតធំ អ្នកដឹកនាំបច្ចេកទេសថតរបស់វីដេអូភាគនេះគឺបានបញ្ចប់ការសិក្សាមកពីប្រទេសកូរ៉េ គ្រប់ប្លង់ថតភាគច្រើនគឺគុណភាពប្រហាក់ប្រហែលនឹងប្លង់ថតរបស់ភាពយន្តខ្នាតធំ មិនមែនភាពយន្តភាគទូរទស្សន៍ធម្មតាឡើយ។

៥. លំដាប់កំពូលនៃសិល្បៈរចនាម៉ូដ

សិល្បៈរចនាម៉ូដគឺដើរឈានមុខជានិច្ចសម្រាប់ "ស្រទន់មន្តស្នេហ៍" ព្រោះសាច់រឿងភាគច្រើនគឺនិយាយអំពី Fashion។ ក្នុងនោះផងដែររឿងនេះមានកម្មវិធីប្រឡង៣ធំៗដែលនិយាយពីភាពលេចធ្លោរបស់ម៉ូដសំលៀកបំពាក់គឺ "តួឯកឆោមគន់" “រាត្រីគជខ្យង" និង "រាត្រីម៉ូដសូត្រ"។

៦. នេះជាការវិនិយោគដ៏ធំលើភាពយន្តភាគ

នេះជាលើកដំបូងបង្អស់របស់ក្រុមហ៊ុន Sabay ដែលបានសហការជាមួយក្រុមហ៊ុន CBS ដើម្បីផលិតវីដេអូភាគលំដាប់ A នេះឡើង។ បើតាមការបញ្ជាក់របស់នាយកប្រតិបត្តិក្រុមហ៊ុន Sabay Digital ថាវីដេអូភាគលំដាប់ A នេះគឺចំណាយច្រើនជាងប្រមាណជា២ដងបើធៀបទៅនឹងវីដេអូភាគមុនៗរបស់ Sabay៕

អត្ថបទ៖ Samedy