ដួង ម៉ានិច ដំឡើងថ្លៃខ្លួនឡើងខ្លាំងជាងមុន

2017-07-02 00:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលឆ្នាំទៅមិញ ដួង ម៉ានិច ស៊ីថ្លៃ១រឿង ត្រឹមតែ២ពាន់ដុល្លារប៉ុណ្ណោះ ប៉ុន្តែនៅឆ្នាំនេះ នាងបង្ហើបឲ្យដឹងថា ថ្លៃខ្លួននាងឡើងថែម១ពាន់ដុល្លារថែមទៀត ដែលការឡើងនេះ ក៏ព្រោះតែសន្ទុះប្រជាប្រិយភាពកាន់តែមានការចាប់អារម្មណ៍ គួបផ្សំនឹងសមត្ថភាពផងដែរ។

ម៉ានិច បញ្ជាក់ឲ្យដឹងថា សម្រាប់រឿងភាគនាងទទួលបានតម្លៃខ្លួន៣ពាន់ដុល្លារឡើងក្នុងមួយរឿងមិនគិតចំនួនភាគ។ ចំពោះរឿងដុំវិញ នាងស៊ីថ្លៃគិតតាមថ្ងៃ ដោយ១ថ្ងៃចាប់ពី១៥០ ដុល្លារទៅ ២០០ ដុល្លារ រីឯការថតMVវិញ នាងស៊ី១ថ្ងៃ៧០ ដុល្លារ។

ដោយឡែកការថតស្ប៉តពាណិជ្ជកម្មវិញ ស្រីស្អាតរូបនេះកាន់តែស៊ីថ្លៃថែមទៀត ដោយនាងប្រាប់ថា ១ស្ប៉ត នាងស៊ីថ្លៃរហូតដល់ទៅ៦ពាន់ដុល្លារឯណោះ។

ទទឹមគ្នានោះដែរបច្ចុប្បន្ន ម៉ានិច មានការងារ១ទៀត គឺ Promote ទំព័រហ្វេសប៊ុក ឲ្យហាងក៏ដូចជាក្រុមហ៊ុនថែមទៀតផង។ នាងប្រាប់ថា ការងារនេះ ខ្លួនបានកុងត្រាជាឆ្នាំ ដោយ១ឆ្នាំយក៤ពាន់ដុល្លារ ក្នុងនោះ ការងារនាងត្រូវថត២ វីដេអូ។

រូបថត៖ហ្វេសប៊ុក ម៉ានិច

នាងថ្លែងឲ្យដឹងថា ទោះបីជាបានប្រកាសឡើងថ្លៃបែបនេះក្ដី ផលិតករជាច្រើនមិនបានរួញរាក្នុងការទទួលយកនាងឡើយ ដោយបច្ចុប្បន្ន នាងកំពុងតែជាប់កុងត្រាថតរឿង២ទៅ៣រឿង មិនមានពេលសម្រាកឡើយ។

ម៉ានិច រំពឹងថា ថ្លៃខ្លួននាងនឹងកាន់តែឡើងជាងនេះទៅទៀតនាពេលអនាគត៕

*សុះ ម៉ាច ត្រៀមចេញពីតំណែង

*កែវ វាសនា ត្រូវភរិយានិយាយដើម

*មិនធម្មតាទេបងថ្លៃ នាយព្រែក ស្អាត...!

អត្ថបទ៖ ស៊ុនហួត