យោង​តាម​ប្រភព​លួច​បង្ហើប​ពី​រោងចក្រ​ផលិត​ ​iPhone​ ​ក្នុង​ប្រទេស​ចិន​បង្ហាញ​ថា​ ​iPhone 8​ ​ដែល​បំពាក់​អេក្រង់​ប្រភេទ​ ​OLED​ ​ដែល​បញ្ជា​ទិញ​ពី​ ​Samsung​ ​នោះ​ ​គឺ​មាន​ផលិត​តែ​ចន្លោះ​ពី​ ​៣​ ​ទៅ​ ​៤​ ​លាន​គ្រឿង​ប៉ុណ្ណោះ។

Apple​ ​ត្រូវ​គេ​ដឹង​ថា​បាន​បញ្ជា​ទិញ​អេក្រង់​ ​OLED​ ​ពី​ ​Samsung​ ​ប្រមាណ​ ​៧០​ ​លាន​បន្ទះ​ ​ហើយ​គេ​ក៏​ដឹង​ដែរ​ថា​ ​LG​ ​បាន​នឹង​កំពុង​ចរចា​យក​តំណែង​ជា​អ្នក​រួម​ចំណែក​ផ្គត់ផ្គង់​អេក្រង់​ប្រភេទ​នេះ​សម្រាប់​ផលិត​នានា​របស់​ ​Apple។

​បច្ចេកវិទ្យា​អេក្រង់​ ​OLED​ ​គឺ​ជា​ចំណុច​ថ្មី​បំផុត​ដែល​គេ​ដឹង​ថា​នឹង​មាន​បំពាក់​លើ​ ​iPhone 8​ ​ដែល​ជា​ស្មាតហ្វូន​សម្រាប់​អបអរ​ខួប​ ​១០​ ​ឆ្នាំ​របស់​ត្រកូល​ ​iPhone។ ប៉ុន្តែ​គេ​ក៏​នៅ​តែ​ជឿ​ថា​ស្មាតហ្វូន​ម៉ូដែល​នេះ​ ​អាច​នឹង​មាន​បច្ចេកវិទ្យា​លេចធ្លោ​ជាក់​ជា​មិន​ខាន៕

ចុចអានបន្ត ៖

• លែង​ហត់​បញ្ហា​ថ្ម អនាគត​ស្មាតហ្វូន​សាក​បញ្ចូល​ថ្ម​តែ ៤ ដង​ប៉ុណ្ណោះ​ក្នុង​មួយ​ឆ្នាំ
• OnePlus 5 ​នឹង​អាប់ដេត​ថ្មី​ថត​វីដេអូ 4K លែង​រង្គើ​ដូច​មុន​ទៀត

ប្រភព៖ GSMarena   ប្រែ​សម្រួល៖ រដ្ឋ