អុញនុះ! iPhone 7 Plus លែងជាស្មាតហ្វូនកំពូលល្បឿនហើយ

2017-06-28 02:06:39
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅទីបំផុតគណនី PhoneBuff ដែលតែងធ្វើការប្រៀបធៀបល្បឿនដំណើរការស្មាតហ្វូនកំពូលៗបានបញ្ចេញវីដេអូថ្មីដែលប្រៀបធៀបល្បឿន iPhone 7 Plus ជាមួយនឹង OnePlus 5។

លទ្ធផលនៃការធ្វើតេស្តគឺពោរពេញដោយភាពភ្ញាក់ផ្អើលព្រោះ iPhone 7 Plus ដែលល្បីថាជាស្ដេចល្បឿន ត្រូវបានផ្ដួលឲ្យដេកនឹងដីដោយ OnePlus 5 កំពូលស្មាតហ្វូន Android។ នៅជុំដំបូង iPhone 7 Plus បាននាំមុខ OnePlus 5 ប្រមាណ ១ វិនាទី ប៉ុន្តែនៅជុំទីពីរជាជុំដែលបើកកម្មវិធីទាំងអស់ឡើងវិញ OnePlus 5 បានយកឈ្នះ iPhone 7 Plus ប្រមាណ ៨ វិនាទីវិញ។ ចង់ដឹងច្បាស់ទស្សនាវីដេអូខាងក្រោម៖

ចំណុចដែលជួយឲ្យ OnePlus ឈ្នះ iPhone នៅជុំទីពីរអាចមកពីទំហំ RAM 8 GB លើ OnePlus 5 ដែលអាចរក្សាទុកកម្មវិធីឲ្យដំណើរការលើ RAM បានច្រើន ស្របពេលដែល iPhone 7 Plus មាន RAM ត្រឹម 3 GB ប៉ុណ្ណោះ។

ដោយឡែកម្សិលមិញក៏មានការបញ្ចេញវីដេអូធ្វើតេស្តសមត្ថភាពមួយដែរ ដោយលទ្ធផល iPhone 7 Plus នៅអាចយកឈ្នះ OnePlus 5 លើដំណើរការបើកកម្មវិធី ប៉ុន្តែវីដេអូដែលធ្វើឡើងមិនសូវមានការទទួលស្គាល់ដូចជាវីដេអូរបស់ PhoneBuff ឡើយ។ PhoneBuff ជាគណនី YouTube ដែលបានធ្វើការប្រៀបធៀបល្បឿនស្មាតហ្វូនកំពូលជាយូរមកហើយ ដោយគុណភាពវីដេអូគណនីនេះមានការទទួលស្គាល់ច្រើនពីសំណាក់អ្នកប្រើស្មាតហ្វូនទាំងឡាយ៕

ចុចអាន៖

ប្រភព៖ YouTube ប្រែសម្រួល៖ សុខហេង