សង្ស័យជារដ្ឋប្រហារ! មានការវាយប្រហារអគាររដ្ឋាភិបាល វេណេហ្ស៊ុយអេឡា
- 2017-06-28 05:22:27
- ចំនួនមតិ 0 | ចំនួនចែករំលែក 0
សង្ស័យជារដ្ឋប្រហារ! មានការវាយប្រហារអគាររដ្ឋាភិបាល វេណេហ្ស៊ុយអេឡា
ចន្លោះមិនឃើញ
វិបត្តិនយោបាយក្នុងប្រទេសវេណេហ្ស៊ុយអេឡា កំពុងតែជ្រួលច្របល់ខ្លាំង ខណៈកាលពីព្រឹកថ្ងៃអង្គារ មានឧទ្ធម្ភាគចក្រមួយគ្រឿង បានបើកការបាញ់ប្រហារមកលើអគារសំខាន់ៗរបស់រដ្ឋាភិបាលប្រទេសនេះ។ ជុំវិញបញ្ហានេះដែល ប្រធានាធិបតី Nicolas Maduro បានចាត់ទុកជាទង្វើរបស់ក្រុមភេរវករ បង្កឡើងក្នុងចេតនាធ្វើរដ្ឋប្រហារ។
ឧទ្ធម្ភាគចក្រមួយគ្រឿង ដែលគេស្គាល់ថា ជាកម្មសិទ្ធិរបស់អង្គភាពប៉ូលិស បានបើកការបាញ់រះមកលើអគារក្រសួងមហាផ្ទៃសរុប១៥គ្រាប់ និងទម្លាក់គ្រាប់បែក ៤គ្រាប់ មកលើតុលាការកំពូល ចំពេលមន្ត្រីច្បាប់ជាន់ខ្ពស់កំពុងបើកកិច្ចប្រជុំនៅទីនោះ។
ទោះបីជាយ៉ាងណា មកដល់ពេលនេះមិនទាន់មានរបាយការណ៍ណាមួយ បង្ហាញពីតួលេខអ្នកស្លាប់ និងរបួសក្នុងហេតុការណ៍នេះនៅឡើយទេ។
វិបត្តិនយោបាយ បង្កឲ្យមានបាតុកម្មប្រឆាំងរដ្ឋាភិបាល នៅវេណេហ្ស៊ុយអេឡា ចាប់តាំងពីខែមេសាមកទល់ពេលនេះ បណ្ដាលឱ្យមនុស្សយ៉ាងហោចណាស់ ៧៥នាក់ស្លាប់ រាប់រយនាក់រងរបួស និងត្រូវចាប់ខ្លួន។
ក្រុមអ្នកតវ៉ា កំពុងទាមទារឲ្យមានការបោះឆ្នោតជាសាកលមួយ ដើម្បីដោះស្រាយស្រោចស្រង់វិបត្តិសេដ្ឋកិច្ចជាតិ និងដោះលែងសកម្មជនគណបក្សប្រឆាំងជាច្រើនរយនាង ដែលកំពុងជាប់ខ្លួនក្នុងពន្ធនាគារ និងទាមទារឲ្យមានឯករាជ្យភាពសម្រាប់គណបក្សប្រឆាំងគ្រប់គ្រងអង្គនីតិប្បញ្ញត្តិនៃសភាជាតិ។
ក្រោយមានការវាយប្រហារ លោក Maduro អះអាងថា មានមនុស្សកំពុងព្យាយាមធ្វើរដ្ឋប្រហារប្រឆាំងរដ្ឋាភិបាលរបស់លោក ដោយថែមទាំងលើកទឹកចិត្តអាមេរិក ដែលកំពុងទទូចចង់ដឹង និងត្រួតពិនិត្យធនធានប្រេងរបស់ វេណេហ្ស៊ុយអេឡា ដែលជាប្រទេសមានធនធានប្រេងច្រើនបំផុតលើលោក។
រដ្ឋាភិបាល ប្រាប់ឲ្យដឹងថា ឧទ្ធម្ភាគចក្រ ដែលវាយប្រហារកាលពីថ្ងៃអង្គារ ត្រូវគេដាក់ការសង្សស័យ លើអ្នកបើកបរយន្តហោះរបស់ប៉ូលីស ឈ្មោះ Oscar Perez ជាមនុស្សធ្លាប់ប្រកាសខ្លួន ក្រោកបះបោរប្រឆាំងលោក Maduro៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
