មហាចោរនៅទល់ដែន (ភាគទី៧) ស្ដេចខ្ញាល់
- 2017-06-29 02:00:00
- ចំនួនមតិ 0 | ចំនួនចែករំលែក 0
មហាចោរនៅទល់ដែន (ភាគទី៧) ស្ដេចខ្ញាល់
ចន្លោះមិនឃើញ
ល្ងាចថ្ងៃដែលមានការវិវាទរវាងមានន្ទ និង កាមានេះ ព្រះកម្ពុតជាបិតាពុំបានទៅណាទេ។ នៅក្នុងដំណាក់ គេឮសូរដូរ្យតន្ត្រីរងំ។ យូរៗចម្រៀងកញ្ញាម្នាក់លាន់ឮឡើងគ្រលួច រួចគឺសូរមាត់អ្នកសើចហ៊ោកញ្ជ្រៀវសប្បាយ។ ព្រះកម្ពុតលង់ក្នុងសេចក្ដីសប្បាយនេះឯង។ អង្គុយលើកៅអីដាំត្បូងទ្រង់សម្លៀកបំពាក់មួយដ៏ល្អឆើតឆាយ ព្រះកម្ពុតទះដៃសើចក្អាកក្អាយពីមុខស្រីដែលរេរាំយ៉ាងស្រស់អស់ពីចិត្ត។ ក្នុងនោះ ទាហានម្នាក់ចូលមកព្រះកម្ពុតរាដៃឱ្យពួករបាំឈប់។ របាំក៏ឈប់ស្ងាត់សូន្យ។ អ្នករាំក៏លបៗ ចូលទៅគៀន។ ព្រះកម្ពុតអោនសួរទៅទាហានដែលឈរត្រង់ខ្លួននៅពីមុខលោកថា៖
-មានការអ្វី ?
-ព្រះបាទម្ចាស់ កាមាត្រូវរបួសជាទម្ងន់!
ព្រះកម្ពុតឮចម្លើយយ៉ាងនោះ បើកភ្នែកធំៗ ញេញធ្មេញសួរតទៅទៀតថា៖
-រឿងអី វានៅឯណា ?
-ព្រះបាទម្ចាស់នៅខាងមុខ មានរឿងជាមួយមានន្ទ។
-យី ! ឯណា ជូនអញទៅ!
ព្រះកម្ពុតក៏ដើរចេញពីកៅអីកិត្តិយស ដោយមានទាហានអមទាំងសងខាងចេញទៅផង។ អ្នកភ្លេង អ្នករាំទាំងប៉ុន្មានឆ្ងល់នឹងរឿងនេះក្រៃពេក តែពុំមានអ្នកណាមួយហ៊ានមាត់កអ្វីឡើយ។ លុះដើរទៅដល់ ឃើញជាក់ជាកាមាមែនហើយ ព្រះកម្ពុតមានទឹកមុខឡើងក្រហម លោកបញ្ជាដូចតទៅ៖
-យកវាទៅថែរក្សាទៅ ! ទៅឆាប់ ៗ!
ចូលទៅកាន់ផេកហ្វេសប៊ុករបស់ប្រលោមលោកsabay ចុចត្រង់នេះ
របៀបងាយៗដើម្បីអានប្រលោមលោកsabay ចុចត្រង់នេះ
Download ប្រលោមលោកsabay លើ ios ចុចត្រង់នេះ
Download ប្រលោមលោកsabay លើ Android ចុចត្រង់នេះ