ពិតអត់? តារាចម្រៀងហង្សមាស៥គូនេះកំពុងបង្កាត់ភ្លើងស្នេហ៍ជាមួយគ្នា

2017-06-30 23:14:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងហង្សមាសប្រុសស្រីចំនួន៥ គូដែលទស្សនិកជនកំពុងតែសង្ស័យថាពួកគេលួចបង្កាត់ភ្លើងស្នេហ៍ជាមួយគ្នានោះតើមានអ្នកណាខ្លះ?

ថ្ងៃនេះ Sabay សូមធ្វើការបង្ហាញតារាចម្រៀងហង្សមាសប្រុសស្រីទាំង៥ គូដែលទស្សនិកជនកំពុងតែសង្ស័យថា មានទំនាក់ទំនងស្នេហាជាមួយគ្នានោះរួមមាន៖

១/ ឱក សុគន្ធកញ្ញា និង ឆន សុវណ្ណរាជ កន្លងមកធ្លាប់មានព័ត៌មានជាច្រើនបាន ចុះផ្សាយថាពួកគេទាំងពីកំពុងតែមានទំនាក់ទំនងស្នេហាជាមួយគ្នា។ ជុំវិញទំនាក់ទំនងនេះសាមីខ្លួនទាំងពីរមិនដែលចេញមុខបកស្រាយទេនោះទេ រហូតធ្វើឲ្យអ្នកគាំទ្រនៅតែស្រពិចស្រពិលអំពីទំនាក់ទំនងពួកគេទាំងពីរមកដល់ពេលនេះ។

២/ ចំណែកឯ ពេជ្រ សោភា វិញធ្លាប់ប្រកាសក្ដែងៗប្រាប់មហាជនថាស្នេហារវាងនាង និង ឈឹម សក្កដា គឺជាស្នេហាពិតមិនមែនបង្កើតឡើង ដើម្បីបំភាន់ភ្នែកមហាជនទាញយកប្រជាប្រិយភាពនោះទេ។ ហើយពេលនេះនាង និងតារាសម្ដែងរូបនេះកំពុងតែមើលចិត្តថ្លើមគ្នាទៅវិញទៅមក មុនឈានដល់ថ្ងៃចូលរោងជ័យ។

៣/ ដោយសារតែចាប់ដៃគូច្រៀងជាមួយគ្នា និងបង្ហាញភាពស្និតស្នាលលើសពីមិត្តភ័ក្ដិ បានធ្វើឲ្យអ្នកគាំទ្រគិតថា ពេទ បូព្រឹក្ស និង G-Devith កំពុងតែមានទំនាក់ទំនងស្នេហាជាមួយគ្នា។ ជុំវិញការលើកឡើងនេះសាមីខ្លួនទាំងពីរបានច្រានចោល ថាទំនាក់ទំនងពួកគេគ្មានអ្វីលើសពីមិត្តភ័ក្ដិឡើយ។

៤/ ត្រឡប់មក វីឌី ណែត វិញបន្ទាប់ពីផលិតកម្មរស្មីហង្សមាសបានឲ្យនាង ចាប់ដៃគូច្រៀងជាមួយ នី រតនា រួចមកបានធ្វើឲ្យអ្នកគាំទ្រ ចង់ឲ្យពួកគេមានបទចម្រៀងថ្មីៗច្រៀងរួមគ្នាទៀត ព្រមទាំងចង់ឃើញពួកគេទាំងពីរក្លាយជាគូស្នេហ៍ទៀតផង។ ទាក់ទងរឿងរ៉ាវនេះអ្នកទាំងពីរបានបកស្រាយថាពេលនេះត្រឹមតែជាមិត្តតែប៉ុណ្ណោះ ទៅថ្ងៃខាងមុខយ៉ាងណានោះអត់ទាន់ដឹងទេអាស្រ័យលើនិស្ស័យ។

៥/ ក្រោយពីថតរឿងថ្មីឲ្យទូរទស្សន៍ហង្សមាសកាលពីពេលថ្មីនេះ ស្រាប់តែលេចឮដំណឹង ថា រ៉េត ស៊ូហ្សាណា និង Step កំពុងតែលួចបង្កាត់ភ្លើងស្នេហ៍ជាមួយគ្នា ព្រោះកន្លងមកពួកគេទាំងពីរតែងបង្ហោះរូបថតផ្អែមល្ហែមនៅលើបណ្ដាញទំនាក់ទំនងសង្គមហ្វេសប៊ុក។ ចំពោះទំនាក់ទំនងនេះដែរសាមីខ្លួនទាំងពីរ មិនអាចសុំការបកស្រាយបានទេ៕

អត្ថបទ៖ ឆុង ស៊ីណាន

អត្ថបទពេញនិយម

Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ

ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

ផ្ទុះការរិះគន់អក្សរចិនលើស្លាកហាងគ្មានអក្សរខ្មែរ មន្ត្រីថាបានចុះណែនាំដែរ តែគេមិនស្តាប់

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

រថយន្តអគ្គិសនី Maxus Mifa9 សម្រេចបាននូវសម្ធិទផលលក់ដាច់ជាខ្លាំងលើសរថយន្ត Toyota Alphard នៅហុងកុង និងប្រទេសថៃ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

អូ គូលែន និងអ្នកនាង សុភ័ក្រ កុសុម៉ា បានក្លាយជាដៃគូសហការណ៍ ដើម្បីលើកកម្ពស់ការរស់នៅប្រកបដោយសុខុមាលភាព

ក្រុមតារាចម្រៀង Twice នឹងចូលរួមជាភ្ញៀវកិត្តិយស ក្រុមColdplay សម្រាប់ការប្រគុំតន្ត្រីរយៈពេល 6 ថ្ងែនៅកូរ៉េ

ធនាគារ វីង គាំទ្រកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៨

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ