អ្នកកីឡាល្បីៗលើពិភពលោក ហួសចិត្តនឹងចៅក្រមដាក់ពិន្ទុឲ្យ Pacquiao ចាញ់

2017-07-03 02:31:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពភ្ញាក់ផ្អើលនិងការខកចិត្តលើបណ្ដាញសង្គមបានផ្ទុះឡើងខ្លាំងកាលពីម្សិលមិញ ចំពោះចៅក្រមទាំង៣បានសម្រេចឲ្យកីឡាករអូស្ត្រាលី Jeff Horn ឈ្នះជាឯកច្ឆន្ទលើអ្នកប្រដាល់អាស៊ី Manny Pacquiao ក្នុងការដណ្ដើមខ្សែក្រវាត់ WBO world welterweight។

អត្តពលិកជុំវិញពិភពលោកល្បីៗជាច្រើនមកពីប្រភេទកីឡាផ្សេងៗគ្នាបានបង្ហាញអារម្មណ៍មិនពេញចិត្តលើការដាក់ពិន្ទុរបស់ចៅក្រមទាំង៣ ក្នុងនោះលោក Waleska Roldan បានឲ្យ ១១៧-១១១, Chris Flores និង Ramon Cerdan ឲ្យ ១១៥-១១៣ដូចគ្នា។

#PacquiaoHorn pic.twitter.com/i1oqnD74Q2

— Kobe Bryant (@kobebryant) July 2, 2017

ពាក់ព័ន្ធនឹងការបង្ហាញអារម្មណ៍អវិជ្ជមាន អតីតតារាបាល់បោះរបស់អាមេរិក Kobe Bryant បានបង្ហោះ GIF មួយលើបណ្ដាញ Twitter នៃរូបបុរសម្នាក់ធ្វើមុខឆ្ងល់ ក្នុងន័យហួសចិត្ត។ ឯកីឡាករបាល់បោះម្នាក់ទៀត Chauncey Billups បានសរសេរថា៖ "ប្រដាល់គឺពិតជាអស់សំណើច!!! Pac ត្រូវបានគេបន្លំម្ដងទៀតហើយ...នេះជាហេតុផល MMA ចាប់ផ្ដើមខ្លាំងវិញម្ដង។ ចំណែកកីឡាករបាល់ឱប Jeremy Hil បានរាយរាប់ថា៖ "ឆ្កួតមែន ច្បាស់ថា Manny ជាអ្នកឈ្នះការប្រកួតនេះ"៕