រថយន្តតម្លៃ ១ពាន់ដុល្លារ រកច្រកចូលទីផ្សារកម្ពុជា

2017-07-04 02:59:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ចិនគ្រោងនាំយករថយន្តតម្លៃទាបត្រឹមតែ ១ពាន់ដុល្លារ មកផ្គត់ផ្គង់នៅកម្ពុជា
លក្ខណៈពិសេសចំណាយតែ ១ពាន់ដុល្លារអាចធ្វើដំណើរបានចម្ងាយដល់ទៅ ១០០គីឡូម៉ែត្រ

ក្រុមហ៊ុនមួយក្នុងចំណោមក្រុមហ៊ុនចំនួន ៥១របស់ចិន បាន និងកំពុង ស្វែងរកគូដៃពាណិជ្ជកម្មនៅកម្ពុជាដើម្បីផ្គត់ផ្គង់រថយន្តខ្នាតតូចដើរដោយប្រព័ន្ធអគ្គិសនី។ ក្រុមហ៊ុនផលិតរថយន្តអគ្គិសនីនេះមានឈ្មោះថា Solo ដែលមានមូលដ្ឋាននៅទីក្រុង តឺចូវ ប្រទេសចិន។

នៅក្នុងជំនួបវិនយោគិនពីប្រទេសចិនក្នុងកម្មពិធីផ្លូវសូត្រសមុទ្រ ម្សិលមិញនេះ លោកឧកញ៉ា ពុង ឃាវសែ សមាគមខ្មែរ-ចិន នៅកម្ពុជាបានឲ្យងដឹងថា ក្រុមហ៊ុន Solo ដែលមានរោងចក្រផលិតរថយន្តខា្នតតូច ដើរដោយអគ្គិសនី គ្រោងនឹងនាំយករថយន្តតម្លៃទាបត្រឹមតែ ១ពាន់ដុល្លារ មកផ្គត់ផ្គង់នៅកម្ពុជា ហើយពេលនេះគឺកំពុងស្វែងរកវិនិយោគិនក្នុងស្រុកដើម្បីហក់ចូលទីផ្សាររថយន្តនៅកម្ពុជាឲ្យបានឆាប់បំផុត។

គូសបញ្ជាក់ថា មកទល់ពេលនេះ ក្រុមហ៊ុនរថយន្តអគ្គិសនីនេះបានផលិតរថយន្តអគ្គិសនីរហូតដល់ ១លានគ្រឿងនិងផ្គតផ្គង់តាមបណ្ដាប្រទេសមួយចំនួន។ ដោយឡែកលក្ខណៈពិសេសនៃរថយន្តនេះគឺចំណាយតិចតែ ១ដុល្លារអាចធ្វើដំណើរបានចម្ងាយដល់ទៅ ១០០គីឡូម៉ែត្រ៕