បន្ទាប់ពី​ការ​បែក​ធ្លាយ​ព័ត៌មាន​ជាច្រើន​ក្នុង​ចំណោម​អ្នក​គាំទ្រ​ទូទាំង​ពិភព​លោក Samsung បាន​បញ្ចេញ​ទូរសព្ទ Galaxy J5 pro និង Galaxy J7 pro ហើយ ដែល​មាន​រូបរាង​រចនា​ពី​លោហៈ​ជាមួយ​បច្ចេកវិទ្យា​ស្កេន​ម្រាម​ដៃ និង​កម្មវិធី Android 7.0 Nougat ដោយ​អាច​រក​ទិញ​បាន​ចាប់​ពី​ខែ​កក្កដា​នេះ​ហើយ នៅ​កម្ពុជា។

Samsung Galaxy J5 pro និង Galaxy J7 pro មាន​ពណ៌​ខ្មៅ ខៀវ​ទឹក​ប្រាក់ និង​ពណ៌​មាស ដោយ​ផ្នែក​ខាង​ក្រោយ​មាន​ការ​រចនា​រាង​កោង និង​បំពាក់​នូវ​កាមេរ៉ា​បញ្ឈរ​នៅ​ខាងលើ ហើយ​ផ្នែក​ខាងមុខ​វិញ បំពាក់​នូវ​បច្ចេកវិទ្យា​ស្កេន​ម្រាមដៃ​បង្កប់​ក្រោម​ប៊ូតុង Home ដែល​ស្ថិត​នៅ​ក្រោម​អេក្រង់។

Galaxy J5 pro (2017)

• អេក្រង់ HD super AMOLED ទំហំ ៥,៥ អ៊ីញ
• កាមេរ៉ា​មុខ និង​ក្រោយ​ទំហំ ១៣ មេហ្កាភិចសែល​ជាមួយ LED flash ទាំង​សង​ខាង ហើយ​ខាង​ក្រោយ​មាន f/1.7 aperture និង​ខាង​មុខ​មាន f/1.9 aperture
• មេម៉ូរីកាត​ប្រភេទ microSD* ដែល​អាច​ផ្ទុក​ដល់ ២៥៦GB
• ប្រព័ន្ធ​ដំណើរ​ការ 1.6GHz ធ្វើ​ឲ្យ Galaxy J5 pro កាន់​តែ​លឿន និង​ខ្លាំង​ជាង​មុន
• ប្រើ​ថ្ម 3000mAh និង​មាន 4G VoLTE, Wi-Fi 802.11 b/g/n, Bluetooth 4.1, Micro USB port និង GPS

Galaxy J7 pro (2017) មាន​លក្ខណៈ​សម្បត្តិ​ដូច​នឹង J5 ដែរ ខុស​តែ

• អេក្រង់​ទំហំ ៥,៥ អ៊ីញ (1080x1920 ភិចសែល)
• USB Type-C port
• RAM ទំហំ ៣GB
• ការពារ​ការ​សាច​ទឹក IP54
• ថ្ម​វិញ​ដល់​ទៅ ៣៦០០mAh

លោក Seungho Choi នាយក​គ្រប់​គ្រង​សាខា Samsung ថៃ មាន​ប្រសាសន៍​ថា​៖ "យើង​មាន​ការ​ជឿ​ជាក់​ថា ការ​រចនា​ស្រស់​ស្អាត រួម​ជាមួយ​បច្ចេកវិទ្យា​កាមេរ៉ា​ទំនើប និង​លក្ខណៈ​ពិសេស​របស់ Galaxy ស៊េរី J នឹង​បន្ត​ទាក់ទាញ​អតិថិជន​ចាស់ និង​ថ្មី ដើម្បី​ប្រើប្រាស់ Smartphoneទំនើប និង​មានតម្លៃ​សមរម្យ"៕