តារាចម្រៀង និងសម្ដែង ធ្លាប់ទទួលរងព័ត៌មានអាស្រូវស្រឡាញ់ភេទដូចគ្នា

2017-07-05 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងសម្ដែងប្រុស១៣រូបនេះធ្លាប់ទទួលរងព័ត៌មានអាស្រូវស្រឡាញ់ភេទដូចគ្នាកន្លងមកនៅពេលដែលពួកគេមានឈ្មោះបោះសំឡេងក្នុងសិល្បៈ តែព័ត៌មានទាំងនោះត្រូវបានពួកគេច្រានចោល ថាមិនមែនជាការពិតឡើយ។ ដើម្បីឲ្យកាន់តែច្បាស់ថាតើតារាចម្រៀង និងសម្ដែងទាំង១៣ រូបនេះមានអ្នកណាខ្លះទៅតាមដានជាមួយSabay ខាងក្រោមនេះទាំងអស់គ្នា៖

១/ ឆន សុវណ្ណរាជ កន្លងមកធ្លាប់មានព័ត៌មានលេចឮថា លោកមានទំនាក់ទំនងស្នេហាភេទដូចគ្នា ។ព័ត៌មាននេះត្រូវបានតារាចម្រៀងរូបនេះចេញមុខបកស្រាយថាខ្លួនមិនបានស្រឡាញ់ភេទដូចគ្នានោះទេ បុរសដែលបណ្ដើរកន្លងមកគឺជាប្អូនប្រុសខ្លួន។

២/ ចំណែកឯ នីកូ វិញកន្លងមកត្រូវបានព័ត៌មានក្នុងស្រុកមួយចំនួនចេញផ្សាយថាលោក មានទំនាក់ទំនងស្នេហាជាមួយពិធីករ អៀង វិច្ឆ័យ និងបានរស់នៅក្រោមដំបូលផ្ទះតែមួយជាមួយគ្នាទៀតផង។ ជុំវិញរឿងរ៉ាវទាំងនេះកន្លងមកសាមីខ្លួនមិនធ្លាប់ចេញមុខបកស្រាយអ្វីឡើយ។

៣ / រីឯតារាចម្រៀងនិយមប្រើប្រាស់សម្ភារៈ និយមថ្លៃ សុគន្ធ ថេរ៉ាយុ វិញធ្លាប់បែកធ្លាយព័ត៌មានថាលោកមានទំនាក់ទំនងស្នេហាសិស្សសាលាប្រុសម្នាក់ព្រមទាំងជួយទំនុកបម្រុងក្នុងការរៀន និងថ្លៃចាយវាយផ្សេងៗ។ ទាក់ទងព័ត៌មាននេះត្រូវបានតារាចម្រៀងរូបនេះចេញមុខបដិសេធថាមិនមែនជាការពិតនោះទេ។

៤/ វិលមកកំលោះសង្ហា អ៊ុន សិទ្ធា វិញត្រូវបានគេដាក់ការសង្ស័យថាមានស្នេហាលួចលាក់ជាមួយលោក យ៉ែម សំអូន ទើបធ្វើឲ្យប្ដីប្រពន្ធមួយគូនេះបែកបាក់គ្នា។ជុំវិញការសង្ស័យនេះលោក បានចេញមុខស្បថដាក់ជីដូនជីតារបស់ខ្លួន ថាមិនមានទំនាក់ទំនងអ្វីជាមួយស្វាមី យ៉ាន លីនដា នោះទេ។

៥/ចំណែកកំលោះសង្ហាចង្កាព្រែក ញ៉ែម សុគន្ធ ត្រូវបានទស្សនិកជនដាក់ការសង្ស័យថា មានទំនាក់ទំនងស្នេហាភេទដូចគ្នា។ ប៉ុន្តែកន្លងមកលោកធ្លាប់ចេញមុខបកស្រាយប្រាប់អ្នកសារព័ត៌មានថា ខ្លួនចង់មានគ្រួសារ និងប្រពន្ធកូនទៅថ្ងៃអនាគតមិនស្រឡាញ់ភេទដូចគ្នាទេ។

៦/ ងាកមកចាប់អារម្មណ៍ សាយ សៀរ៉ា វិញម្ដងក៏មិនខុសពី អ៊ុន សិទ្ធា ប៉ុន្មានឡើយ លោកត្រូវបានមហាជនចោទថាជាជនទី៣ ដែលធ្វើឲ្យ យ៉ាន លីនដា បែកបាក់ពី យ៉ែម សំអូន ។ តែព័ត៌មាននេះត្រូវបានស្ងប់ស្ងាត់ទៅវិញបន្ទាប់ពី លីនដា ចេញមុខបកស្រាយថា លោកមិនមែនជាជនទីបីធ្វើឲ្យនាងបែកបាក់ពីស្វាមី។

៧/កូនកាត់ចិន អេឡិច ច័ន្ទត្រា កន្លងមកក៏ធ្លាប់លេចឮព័ត៌មានមួយចំនួនថា លោកមានគូស្នេហ៍ជាបុរសអ្នកមានចាំជួយទំនុកបម្រុងនៅពីក្រោយខ្នងទើបមានលុយឡាន និងផ្ទះសព្វថ្ងៃនេះ។ ព័ត៌មាននេះត្រូវកូនកាត់ចិនរូបនេះចេញមកបកស្រាយនៅតុបំភ្លឺ ថាខ្លួនមិនបានស្រឡាញ់ភេទដូចគ្នាទេ គ្រាន់តែថាពេលនេះ មិនមានពេលវេលាគិតរឿងស្នេហា ព្រោះគិតរឿងការងារជាធំ។

៨/ បើនិយាយពីលោក យ៉ែម សំអូន ត្រូវបានប្រពន្ធសុំចែកផ្លូវដោយសារតែបែកធ្លាយរឿងលោក មានទំនាក់ទំនងស្នេហាភេទដូចគ្នា។

៩/តួឯកប្រុសក្នុងរឿង"ស្នេហ៍ពនេចរ" ណា ខុន ឯណេះវិញកន្លងមកធ្លាប់ព័ត៌មានក្នុងស្រុកមួយចំនួនបានចេញផ្សាយថាមានទំនាក់ទំនងស្នេហាភេទដូចគ្នា ហើយលោកក៏មិនដែលចេញមកបកស្រាយជុំវិញរឿងរ៉ាវនេះដែរ។

១០/ ពិធីករល្បីឈ្មោះ តាប៊ុយ ត្រូវបានគេសង្ស័យថាស្រឡាញ់ប្រុសដូចគ្នា ក្រោយពីលេចចេញវីដេអូអាសអាភាសរូបលោកជាមួយបុរសម្នាក់នៅលើគ្រែ តែត្រូវបានកូនកាត់ចិនរូបនេះចេញមុខបដិសេធថា មិនមែនជាការពិត ហើយលោកក៏ទទួលស្គាល់ថាបុរសម្នាក់នោះមានមុខមាត់ស្រដៀងខ្លួន។

១១/ ដោយសារតែមានតារាស្រីល្បីៗជាច្រើនរូបតែងតែថតរូបសិចស៊ីជាមួយ អែនឌី ធ្វើឲ្យមហាជនដាក់ការសង្ស័យថា លោកស្រឡាញ់ប្រុសដូចគ្នាមិនចាប់អារម្មណ៍ទៅលើនារីភេទឡើយ ទើបធ្វើឲ្យស្រីៗទាំងនោះហ៊ានថតឈុតឆាកសិចស៊ីជាមួយដោយមិនញញើត។

១២/ ពិធីករស្រស់សង្ហា អៀង វិច្ឆ័យ ធ្លាប់មានព័ត៌មានចុះផ្សាយថាលោក និងតារាចម្រៀង នីកូ បានលួចបង្កាត់ភ្លើងស្នេហ៍ និងរួមរស់ជាមួយគ្នា ព័ត៌មាននេះត្រូវបានពិធីកររូបនេះបដិសេធថា លោកមិនបានស្រឡាញ់ប្រុសដូចគ្នានោះទេ ព្រមទាំងមានគម្រោងរៀបការមានគ្រួសារនៅពេលខាងមុខទៀតផង។

១៣/ កន្លងមកតារាសម្ដែង យូ ឌីស្កូ ក៏ធ្លាប់ទទួលរងនៅព័ត៌មានអាស្រូវស្នេហាភេទដូចគ្នា មិនខុសពីតារាចម្រៀង និងសម្ដែងខាងលើនេះឡើយ តែព័ត៌មានទាំងនេះត្រូវបានលោកបដិសេធ៕