ស្ត្រីគួរត្រូវការថតអេកូ ប៉ុន្មានដងទៅ ក្នុងពេលមានផ្ទៃពោះ
- 2017-07-08 04:04:29
- ចំនួនមតិ 0 | ចំនួនចែករំលែក 0
ស្ត្រីគួរត្រូវការថតអេកូ ប៉ុន្មានដងទៅ ក្នុងពេលមានផ្ទៃពោះ
ចន្លោះមិនឃើញ
ការថតអេកូគឺជាផ្នែកមួយទៀងទាត់នៃការថែរក្សាសុខភាពក្នុងពេលមានផ្ទៃពោះ ដែលវាអនុញ្ញាតិឲ្យគ្រូពេទ្យតាមដានការលូតលាស់ និធំធាត់របស់ទារកក្នុងផ្ទៃបាន។ អ្នកនឹងមានអារម្មណ៍ភ្ញាក់ផ្អើលនៅពេលមើលឃើញរូបភាពកូនក្នុងផ្ទៃជាលើកដំបូង។ ថ្វីបើស្ត្រីមានផ្ទៃពោះភាគច្រើនត្រូវការថតអេកូតែពីរបីដងក៏ដោយ ក៏ចំនួននៃការថតអេកូននេះអាចនឹងត្រូវធ្វើច្រើនដងអាស្រ័យទោតាមស្ថានភាពរបស់ស្ត្រីដែរ។
រូបភាពដែលអេកូអាចផ្តល់ឲ្យបានមានដូចជា៖ • ការលូតលាស់សរីរាង្គរបស់ទារក និងមុខងាររបស់វា • ការលូតលាស់របស់ដៃជើង និងរចនាសម្ព័ន្ធឆ្អឹង • កម្ពស់កូន • ទំហំកូន • ការលូតលាស់ក្បាលរបស់ទារក • ទឹកភ្លោះ • ដឹងថាកូនប្រុស ឬស្រី • អាចដឹងអំពីថ្ងៃខែសម្រាល សម្រាប់ស្ត្រីមានផ្ទៃពោះសុខភាពល្អភាគច្រើនអាចគឺត្រូវការថតអេកូតែ ២ដងប៉ុណ្ណោះ។ ដំបូងឡើយគឺធ្វើនៅត្រីមាសទីមួយ និងទីពីរគឺនៅសប្តាហ៍ទី ១៨ដើម្បីបញ្ជាក់អំពីរចនាសម្ពាធរាងកាយធម្មតា និងភេទរបស់ទារក។ ពេលវេលាដ៏មានប្រសិទ្ធភាពបំផុតដើម្បីថតអេកូចំពោះស្ត្រីមានផ្ទៃពោះសុខភាពល្អគឺចន្លោះ សប្តាហ៍ទី ១៨ ទៅ២២។ ក្នុងដំណាក់កាលនេះ សរីរាង្គរបស់ទារកក្នុងផ្ទៃត្រូវបានលូតលាស់យ៉ាងពិសេស ដូច្នេះអ្នកជំនាញថតអេកូអាចនឹងមើលដឹងអំពីមុខងារ និងការលូតលាស់របស់វាដែរ។ គ្រូពេទ្យអាចនឹងសុំឲ្យអ្នកថតអេកូនទៀតដើម្បី៖ • ដឹងអំពីជំហររបស់ទារក ជំហរបញ្ជ្រាស ឬធម្មតា • ដឹងអំពីថ្ងៃខែត្រូវសម្រាល • វាយតម្លៃការលូតលាស់របស់សុក • ពិនិត្យទៅលើកម្រិតទឹកភ្លោះ • កំណត់អំពីផលវិបាកបើសិនជាមានករណីកូនភ្លោះ • តាមដានសកម្មភាពលូតលាស់របស់ទារក • រកមើលជំងឺហ្សែនដែលអាចកើតមាន • ពិនិត្យរកមើលជំងឺសុកបាំងមាត់ស្បូន ឬការលូតលាស់របស់ស្បូន បើសិនជាម្តាយមានជំងឺនានាដូចជា ជំងឺទឹកនោមផ្អែម ឬលើសសម្ពាធឈាម នាងត្រូវតែថតអេកូច្រើនដងបន្តិចហើយ។ ការថតអេកូត្រូវបានប្រើប្រាស់ដើម្បីស្វែងរកព័ត៌មានដែលមានប្រយោជន៍ក្នុងគោលបំណងសង្គ្រោះជីវិត។ វាអាចប្រើដើម្បីពង្រឹងដល់សុខភាពទារកក្នុងផ្ទៃ។ បើសិនជាមានការសង្ស័យអ្វីអំពីការថតអេកូ ចូរពិគ្រោះជាមួយគ្រូពេទ្យអំពីរឿងនេះទៅ៕
ប្រភព ៖ health