ឌូបៃ នឹងបើកសណ្ឋាគារដំបូងបង្អស់ ដែលមានព្រៃឈើ ឆ្នេរសមុទ្រ និង អាងទឹកលើអាកាស

2017-07-08 07:37:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុងឌូបៃ មានភាពល្បីល្បាញរួចមកហើយ ដោយសារតែមានអគារខ្ពស់បំផុតលើពិភពលោក និង កោះសិប្បនិម្មិតដ៏ធំសម្បើម ប៉ុន្តែវានឹងក្លាយជាទីក្រុង ដ៏គួរឲ្យចាប់អារម្មណ៍បន្ថែមទៀត ដោយសារតែសណ្ឋាគារថ្មីមួយ។

សណ្ឋាគារដំបូងបង្អស់នៅលើពិភពលោក ដែលមានព្រៃឈើ និងឆ្នេរសិប្បនិម្មិត នឹងបើកដំណើរការនៅទីក្រុងឌូបៃ នាឆ្នាំ២០១៨ ខាងមុខនេះ។

ជាមួយនឹងការចំណាយលើការសាងសង់ រហូតដល់ទៅ ២៣០ លានដុល្លារ សណ្ឋាគារមានឈ្មោះថា Rosemont Hotel & Residences នេះ នឹងក្លាយជាកំពូលសណ្ឋាគារដ៏ប្រណិតមួយ និងជាគោលដៅសម្រាប់អ្នកធ្វើដំណើរកម្សាន្ត ថែមទាំងជាមជ្ឈមណ្ឌលដ៏សំខាន់ សម្រាប់ការធ្វើដំណើរតាមផ្លូវអាកាស រវាងលោកខាងលិច និងអាស៊ី ទៀតផង។

សណ្ឋាគារមួយនេះ សាងសង់នៅលើផ្ទៃដីទំហំជិត ៧ ០០០ ម៉ែត្រការ៉េ មានកម្ពស់ ៤៧ ជាន់ ជាមួយនឹងបន្ទប់ទទួលភ្ញៀវ ៤៥០ បន្ទប់ និងមានព្រៃឈើដែលបង្កើតឡើងដោយមនុស្ស ដើម្បីឲ្យភ្ញៀវទទួលបានបទពិសោធន៍ប្លែក មិនធ្លាប់មានពីមុនមក។

គួរបញ្ជាក់ផងដែរថា គម្រោងសំណង់ដ៏អស្ចារ្យមួយនេះ គឺជាកម្មសិទ្ធិរបស់ក្រុមហ៊ុន Royal International ដែលបានរចនាឡើងដោយក្រុមហ៊ុន ZAS Architects របស់ប្រទេសកាណាដា៕