ចោរចង់លួចទូរសព្ទដឹងភ្លាម បើដំឡើងកម្មវិធីនេះ

2017-07-10 03:23:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកព្រួយបារម្ភថានឹងមានចោរលូកហោប៉ៅលួចយកស្មាតហ្វូនដ៏មានតម្លៃរបស់អ្នក អ្នកមិនបាច់ព្រួយបារម្ភទៀតនោះទេ ដោយថ្ងៃនេះសុំបង្ហាញពីកម្មវិធីមួយដែលជួយបង្ការគ្រោះថ្នាក់នេះ។

កម្មវិធីមានឈ្មោះថា Pocket Sense ដោយពេលដំណើរការមុខងារលើកម្មវិធីនេះទៅ វានឹងបញ្ចេញសំឡេងរោទ៍លាន់ឮរំពងនៅពេលនរណាម្នាក់ចង់លូកយកស្មាតហ្វូនរបស់អ្នក។ គួរឲ្យស្ដាយកម្មវិធីនេះមានសម្រាប់តែស្មាតហ្វូន Android ប៉ុណ្ណោះ ហើយបើចង់ទាញយកអាចចុចទីនេះ ឬវាយពាក្យថា Pocket Sense នៅលើ Play Store។

Pocket Sense មានមុខងារចំនួន ៣ រួមមាន ៖

@ Pocket Sense Mode ៖ ពេលកំណត់មុខងារនេះប្រសិនបើនរណាម្នាក់លូកយកទូរសព្ទអ្នកពីហៅប៉ៅ ឬ ពីកាតាបស្ពាយពីក្រោយ ភ្លាមនោះសំឡេងរោទ៍នឹងបន្លឺលាន់ ហើយដើម្បីបិទសំឡេងរោទ៍គ្រាន់តែដោះសោទូរសព្ទជាការស្រេច។ បញ្ជាក់ថាមុខងារនេះដំណើរការមិនល្អឡើយប្រសិនបើអ្នកប្រើសម្បកការពារទូរសព្ទដែលមានគម្រប។

@ Charge Sense Mode ៖ មុខងារនេះនឹងឲ្យអ្នកដឹងប្រសិនបើមាននរណាម្នាក់ដកឌុយទូរសព្ទរបស់អ្នកដែលកំពុងសាកថ្ម។

@ Motion Sense Mode ៖ មុខងារនេះនឹងបញ្ចេញសំឡេងរោទ៍នៅពេលដែលទូរសព្ទរបស់អ្នកបានផ្លាស់ប្ដូរទីតាំង។