ពេល​នេះ​ដំណឹង​ជា​ផ្លូវ​ការ គឺ​ខ្សែ​បម្រើ​ប្រយុទ្ធ James Rodriguez ​នឹង​ចូល​រួម​ជាមួយ​ក្រុម Bayern Munich ​ក្រោយ​លក្ខខណ្ឌ​ខ្ចី​ជើង​​ពី Real Madrid រយៈ​ពេល​វែង​២​រដូវកាល​។

ក្នុង​កុងត្រា​ខ្ចី​ជើង​នេះ​ដែរ Bayern ​នឹង​ទិញ​យក​ដាច់​តែ​ម្ដង​ក្រោយ​ពី​ចប់​ការ​ខ្ចី​ជើង ​ហើយ​ក្នុង​អំឡុង​ពេល​លេង​ខ្ចី​ជើង​នេះ ប្រសិន​បើ​ក្លឹប​អធិរាជ​ស​មាន​បំណង​ចង់​យក​ទៅ​វិញ គឺ​អាច​នៅ​មាន​ផ្លូវ។ មួយវិញ​ទៀត កុងត្រា២ឆ្នាំរបស់ bayern គឺត្រូវបង់​ឱ្យ Real Madrid ចំនួន​៩​លាន​ផោន ហើយត្រូវថែម៣១​លាន​ផោន​ទៀត ប្រសិន​បើ​ក្រុម​នៅ​អាល្លឺម៉ង់មួយនេះ ពិតជាចង់ទិញយក​ដាច់​តែ​ម្ដង។

James ​តាំង​ពី​ផ្លាស់​ចូល Real Madrid ​ហាក់​មិន​សូវ​បាន​បង្ហាញ​ខ្លួន​ទេ ដោយសារ​តែ​រូបគេ​មាន​ទម្រង់​លេង​មិន​ត្រូវ​ចិត្ត​របស់​គ្រូ​បង្វឹក។ យ៉ាងណាមិញ ​ក្នុង​ការ​ប្រកួត​របស់​កីឡាករ​កូឡុំប៊ី​រូប​នេះ​ចូល​លេង​ក៏​តែងតែ​ផ្ដល់​លទ្ធផល​ល្អ​មក​វិញ​ផង​ដែរ។ តួយ៉ាង​ដូចជា​ការ​បង្ហាញ​ខ្លួន​របស់​គេ បាន​១១១​ប្រកួត រកបាន៣៦​គ្រាប់ និងបញ្ចូនបាល់ឱ្យមិត្តរួមក្រុមបាន​​៤១​គ្រាប់៕

ប្រភព៖ Marca   ប្រែ​សម្រួល៖ មុន្នីរម្យ