បើគម្រោងបានសម្រេច អនាគតកម្ពុជានឹងមានរថភ្លើងល្បឿនលឿនរត់ទូទាំងប្រទេស
- 2017-07-13 07:30:29
- ចំនួនមតិ 0 | ចំនួនចែករំលែក 0
បើគម្រោងបានសម្រេច អនាគតកម្ពុជានឹងមានរថភ្លើងល្បឿនលឿនរត់ទូទាំងប្រទេស
ចន្លោះមិនឃើញ
ទូររទេះភ្លើងគំរូមានប្រវែងជាង ២០ ម៉ែត្របានយកទៅចូលរួមពិព័រណ៍បច្ចេកវិទ្យាសេដ្ឋកិច្ចមេគង្គឡាងឆាងព្រឹកនេះនៅកោះពេជ្រ។
ក្នុងចំណោមផលិតផលបច្ចេកវិទ្យាជាច្រើនទាក់ទាញអ្នកទស្សនាសុទ្ធតែរបស់ចិន គឺការលេចខ្លួនទូរទេះភ្លើងប្រវែងជាង ៣០ ម៉ែត្រដែលមានទាំងស្រ្គីនបង្ហាញពីការអភិវឌ្ឍផ្លូវដែកទំនើបៗរបស់ប្រទេសយក្សនៅអាស៊ីនេះ។
ឆ្លើយតបការសាកសួរខ្លះរបស់ Sabay អ្នកមើលការខុសត្រូវមួយរូបនៅក្រុមហ៊ុន China Railway ប្រាប់ថា នេះជាគំរូរថភ្លើងល្បឿនលឿន ជាគម្រោងអភិវឌ្ឍរបស់ក្រុមហ៊ុន China Railway ជាក្រុមហ៊ុនផ្លូវដែកដ៏ធំរបស់ចិន។
ការយកមកបង្ហាញគំរូទេះភ្លើងដែលកំពុងតែបម្រើសេវាដឹកជញ្ជូនពលរដ្ឋចិនរាប់លាននាក់ជារៀងរាល់ថ្ងៃ ជាការបង្ហាញបច្ចេកវិទ្យាផ្លូវដែករបស់ប្រទេស ដល់អ្នកទស្សនានិងក៏ស្វែងរកការសហការសម្រាប់ក្រុមហ៊ុនក្នុងការឈានទៅអភិវឌ្ឍរថភ្លើងល្បឿនលឿនក្នុងប្រទេសកម្ពុជា។
បើតាមអ្នកមើលការខុសត្រូវនេះដែលនិយាយចិនមានអ្នកបកប្រែជំនួយជិតនោះផងនោះប្រាប់ថា កន្លងទៅក្រុមហ៊ុនបានស្វែងរកទំនាក់ទំនងជាមួយមន្រ្តីដឹកជញ្ជូនក្នុងប្រទេសកម្ពុជា ដើម្បីស្វែងរកកិច្ចសហប្រតិបត្តិការគ្នាលើគម្រោងអភិវឌ្ឍផ្លូវដែកក្នុងប្រទេសកម្ពុជា ក្នុងពេលដែលប្រទេសកម្ពុជាកំពុងជំរុញកាន់តែខ្លាំងលើសេវាដឹកជញ្ជូនធុនធ្ងន់នេះ។ យ៉ាងណា វាស្ថិតនៅក្នុងដំណាក់កាលសិក្សានៅឡើយ។
គួរបញ្ជាក់ថា នៅព្រឹកមិញ មានការបើកសម្ពោធពិព័រណ៍សេដ្ឋកិច្ចនិងបច្ចេកវិទ្យាសម្រាប់កិច្ចសហប្រតិបត្តិការមេគង្គ ឡានឆាង ដែលមានសុទ្ធតែក្រុមហ៊ុនចិនចូលរួម។ មានទាំងក្រុមហ៊ុនកំពុងអភិវឌ្ឍគម្រោងនៅក្នុងប្រទេសកម្ពុជាដូចជាក្រុមហ៊ុនផលិតវារីអគ្គិសនី ក្រុមហ៊ុនគ្រឿងសំណង់ និងសម្ភាៈបច្ចេកវិទ្យាផ្សេងៗទៀតក៏បានចូលរួមបង្ហាញសមិទ្ធផលសម្រាប់ភ្ញៀវដែលចូលរួមទស្សនាពិព័រណ៍៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
