ការបាញ់កាំជ្រួច និងបង្ហោះគោមតាមឆ្នេរសមុទ្រ ត្រូវហាមឃាត់

2017-07-14 06:54:18
ចំនួនមតិ 0 | ចំនួនចែករំលែក 0

ចន្លោះមិនឃើញ

បម្រាមមានតាំងពីឆ្នាំ២០១៦
ការពារសុវត្ថិភាពភ្ញៀវ និងបរិស្ថានសមុទ្រ
មានករណីឆេះប៉ុស្តិ៍ប៉មឆ្មាំសមុទ្រ កាលពីថ្ងៃ១២

អាជ្ញាធរមានសមត្ថកិច្ចនៃខេត្តព្រះសីហនុ កំពុងយកចិត្តទុកដាក់លើបម្រាម បាញ់កាំជ្រួច និងបង្ហោះគោម នៅតាមតំបន់ឆ្នេរនានា ដើម្បីការពារសុវត្ថិភាពជូនភ្ញៀវទេសចរ និងបរិស្ថានសមុទ្រ។

ភ្ញៀវទេសចរ បាញ់កាំជ្រួចនៅឆ្នេរអូរឈើទាល (ប្រភព៖ hecktictravels)

បើតាមមន្ត្រីម្នាក់នៅមន្ទីរទេសចរណ៍ខេត្តព្រះសីហនុ បានបញ្ជាក់ថា តាមពិតបម្រាមនេះ បានដាក់ចេញយូរមកហើយ ពោលគឺតាំងពីខែកក្កដា ឆ្នាំ២០១៦ តាមរយៈក្រមប្រតិបត្តិឆ្នេរសមុទ្រ ដោយមានការចុះហត្ថលេខាដាក់ឲ្យប្រើពីរដ្ឋមន្ត្រី ៣ក្រសួង គឺក្រសួងទេសចរណ៍ ក្រសួងបរិស្ថាន និងក្រសួងរៀបចំដែនដីនគរូបនីយកម្មនិងសំណង់។

ប្រភពខាងលើ បានអះអាងថា ការបាញ់កាំជ្រួច អាចបណ្ដាលឲ្យមានផលប៉ះពាល់ច្រើនយ៉ាងដូចជា៖

ទី១ ប្រសិនបើកាំជ្រួច ឬផាវ ផលិតមកខុសបច្ចេកទេស វាអាចផ្ទុះឆេះពាក់កណ្ដាលផ្លូវ នាំឲ្យប៉ះពាល់ដល់ភ្ញៀវ រហូតដល់រងរបួសព្រោះរំសេវក៏មាន។

ទី២ ប្រសិនបើអ្នកលេង ដោតខុស ឬដោតចំកន្លែងរលកឡើងដល់ កាំជ្រួចនោះអាចហោះទៅរកតូបលក់ដូរ បណ្ដាលឲ្យឆេះឆាបជាអគ្គីភ័យ។

ទី៣ បញ្ហាសំខាន់បំផុត គឺកាំជ្រួច ឬផាវទាំងនោះ ធ្លាក់ចូលទៅក្នុងទឹកសមុទ្រ បង្កផលប៉ះពាល់យ៉ាងខ្លាំងដល់បរិស្ថាន ព្រោះវាអាចធ្វើឲ្យទឹកសមុទ្រប្រែជាល្អក់ ដោយសារសំណល់រំសេវនៃកាំជ្រួចនោះ។

កាលពីយប់ថ្ងៃទី១២ កន្លងទៅ ប៉ុស្តិ៍ប៉មឆ្មាំសមុទ្រមួយនៅឆ្នេរអូរឈើទាល ត្រូវអគ្គីភ័យឆាបឆេះទាំងស្រុង បន្ទាប់ពីមានភ្ញៀវទេសចរដុតគោមលេង ហើយគោមនោះធ្លាក់មកលើដំបូលប៉មយាមប្រក់ស្បូវ។ ក្រោយកើតហេតុ កម្លាំងមានសមត្ថកិច្ចនៃការិយាល័យនគរបាលទេសចរណ៍ខេត្តព្រះសីហនុ បានប្រមូលកាំជ្រួចជាច្រើនដើមដុតកម្ទេចចោលមួយចំនួនធំ។

ចំណែកឯកឧត្ដមឧត្ដមសេនីយ៍ទោ ជួន ណារិន ស្នងការខេត្តព្រះសីហនុ បានអំពាវនាវជាថ្មី ឲ្យប្រជាពលរដ្ឋដែលទៅលេងកម្សាន្តនៅតំបន់ឆ្នេរ មេត្តាឈប់ដុតកាំជ្រួច និងបង្ហោះគោមតទៅទៀត ព្រមទាំងដាក់បញ្ជាឲ្យហាមឃាត់យ៉ាងតឹងរឹងចំពោះការលក់ដូរវត្ថុមានចំហេះទាំងនេះ៕

ចុចអានអត្ថបទពាក់ព័ន្ធ៖

អត្ថបទ៖ គង់ វិសាល

អត្ថបទពេញនិយម

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

ទំនប់ដូនទ្រី ដែលប្រើបច្ចេកទេសជីករូងភ្នំមិនធ្លាប់មាននៅកម្ពុជា ពេលសង់រួចនឹងអាចស្រោចស្រពលើផ្ទៃដីកសិកម្មជាង ៣ម៉ឺនហិកតា

ប្រធានក្រុមបាល់ទាត់ CFSS បញ្ជាក់ពីវត្ដមានសម្ដេចតេជោក្នុងព្រឹត្ដិការណ៍បាល់ទាត់មិត្ដភាពសប្បុរសធម៌

ការជួសជុលខឿនព្រះលានជល់ដំរី ឈានដល់ដំណាក់កាលចុងក្រោយហើយ

សម្តេច ហ៊ុន ម៉ាណែត បញ្ជាក់មូលហេតុដែលមិនបង្កើតមូលនិធិសង់ព្រែកជីកហ្វូណនតេជោ

កម្រណាស់ មិនដឹងជាកើតទុក្ខរឿងអី Justin Bieber ស្រក់ទឹកភ្នែកម៉ាត់ៗ អ្នកគាំទ្រឆ្ងល់គ្រប់គ្នា

អត្ថបទថ្មី

បែកធ្លាយ TECNO POVA 6 Pro 5G ស្មាតហ្វូន លេងហ្គេមល្អបំផុតជាមួយនឹងបន្ទះឈីប 5G និងថាមពលថ្មប្រើប្រាស់បានយូរបំផុត តម្លៃក្រោម $300

សម្ដេចតេជោចូលរួមដឹកនាំផ្ទាល់ការប្រកួតបាល់ទាត់សប្បុរសធម៌

តម្លៃសាំងធម្មតាចុះ៥០៛/លីត្រ ខណៈតម្លៃម៉ាស៊ូតចុះ១០០៛/លីត្រ ទូទាំងប្រទេសកម្ពុជា

អ៊ែរ អេស៊ា ខេមបូឌា បើកការតាំងពិព័រណ៍ទេសចរណ៍លើកដំបូង ផ្តល់ជូននូវជើងហោះហើរជាច្រើនក្នុងតម្លៃដ៏អស្ចារ្យ

តាមដាន និងព្យាបាលភ្នែករបស់អ្នកឲ្យបានទាន់ពេលវេលា ជៀសវាងវិប្បដិសារីទៅថ្ងៃក្រោយ

ស្អាតហើយចិត្តសប្បុរសធម៌ទៀត! រ៉េត សារីតា នឹងទៅលើកទឹកចិត្តក្មេងស្រីក្រីក្រក្នុងកម្មវិធីបាល់ទាត់របស់អង្គការ HFCA នៅសៀមរាប