ល្ងាច​នេះ​ SCG Muangthong United សង​សឹក​ Cam-All Stars បាន​អត់?

  • 2017-07-16 03:06:21
  • ចំនួនមតិ

ចន្លោះមិនឃើញ

ក្រុម​ជើង​ខ្លាំង​ប្រចាំ​លីគ​កំពូល​ប្រទេស​ថៃ​ SCG​ Muangthong​ United ត្រូវ​ការ​សង​សឹក​​​លើ​ក្រុម​ Cambodian​ Al​l Stars ​វេលា​ម៉ោង​៦​ល្ងាច​នេះ​​នៅ​​ពហុកីឡដ្ឋាន​ជាតិ​សម្រាប់​ការ​ប្រកួត​មិត្តភាព​អន្តរជាតិ​ បន្ទាប់​ពី​ការ​ប្រកួត​លើក​ទី​១​កាល​ពី​ឆ្នាំ​២០១៦​ចាញ់​ ​៤-៣។

ជើង​កីឡាករ​

​កីឡាករ​​ SCG​ Muangthong​ United​ ​មិន​ពេញ​ល្អ​ឡើយ​ពោល​គឺ​កីឡាករ​ល្អ​ៗ​មួយ​ចំនួន​​ជាប់​ជួយ​ជម្រើស​ជាតិ​ថៃ​ក្នុង​ការ​ប្រកួត​ពាន​ស្តេច​ថៃ​ ដូច្នេះ​ក្រុម​មួយ​នេះ​ពឹង​លើ​កីឡាករ​បរទេស​ជា​ស្នូល​សំខាន់។ កីឡាករ​បរទេស​សុទ្ធ​តែ​មាន​វត្តមាន​ទាំង​អស់​​ពោល​​គឺ​​មិន​​​បាត់​នរណា​ម្នាក់​​ឡើយ។ ខ្សែ​បម្រើ​សំខាន់​របស់​ក្រុម​នេះ​​មាន​ Sarach Yooyen, សមាជិក​ថ្មី​ Charyl Chappuis កីឡាករ​ Prakit Deeprom, Ratchapol Nawanno, Tossawat Limwanasthian, Sanukran Thinjom និង​កីឡាករ​កូរ៉េ​ Lee Ho។ ខ្សែ​ប្រយុទ្ធ​ជួរ​មុខ​​សុទ្ធ​តែ​បរទេស​​​ Leandro Assumpcao និង​ Heberty Fernendes ដែល​អាវុធ​ដ៏​គ្រោះ​ថ្នាក់​សម្រាប់​ភាគី​កម្ពុជា។

ក្រុម SCG Muangthong United

ចំពោះ​ក្រុម​ Cambodia All Stars ​ហាក់​មិន​សូវ​​ល្អ​ប៉ុន្មាន​ឡើយ​ បើ​ប្រៀប​ធៀប​នឹង​ Cambodia All Stars កាល​ពី​ឆ្នាំ​២០១៦​​ដែល​ក្រោម​ការ​ដឹក​នាំ​របស់​ លោក ប្រាក់​ សុវណ្ណារ៉ា​ ពី​ព្រោះ​កាល​នោះ​មាន ចាន់ វឌ្ឍនាកា និង​កីឡាករ​បរទេស​សំខាន់​ៗ​មួយ​ចំនួន​ទៀត។ ទោះ​បី​ជា​យ៉ាង​ណា​​ ស៊ើយ វិសាល,​ នុប តុលា, រស់​ សំអឿន​, ឆុំ ពិសា និង សឿត បារាំង​ ​ក្លាយ​ជា​របាំង​ការពារ​ដ៏​សំខាន់។ និយាយ​ពី​ខ្សែ​បម្រើ​ប្រយុទ្ធ​​ក៏​មិន​ធម្មតា​ដែរ​​ ប្រាក់​ មុន្នីឧត្តម,​ កែវ សុខផេង, ច្រឹង​ ពលរដ្ឋ​, ទិត្យ ឌីណា​ និង​សមាជិក​បរទេស​ Booysen Shane, Mbenga Samuel ​នៅ​តែ​​ក្តី​សង្ឃឹម​សម្រាប់​អ្នក​គាំទ្រ​កម្ពុជា។ ​​

ក្រុម Cambodia All Stars ហ្វឹកហាត់

សំដី​គ្រូ​បង្វឹក​

លោក Totchtawan Sripan ​គ្រូ​បង្វឹក​ក្រុម SCG Muangthong United ​បាន​និយាយ​ថា​ កូន​ក្រុម​របស់​លោក​មក​ប្រកួត​ជាមួយ Cambodian All Stars ​មិន​ទាំង​អស់​គ្នា​មែន ប៉ុន្តែ​វា​មិន​ប៉ះពាល់​ដល់​ទម្រង់​លេង​ឡើយ។ ​លោក​ជឿ​ជាក់​លើ​ខ្សែ​ប្រយុទ្ធ​ជួរ​មុខ​របស់​លោក​ដែល​អាច​ស្វែង​រក​ជ័យជម្នះ​បាន​សម្រាប់​ឆ្នាំ​នេះ​។ លោក​បញ្ជាក់​ថា នេះ​មិន​ត្រឹម​តែ​ជា​ការ​ប្រកួត​ក្រុម​នោះ​ទេ ប៉ុន្តែ​ជា​ការ​ប្រកួត​មិត្តភាព​អន្តរជាតិ​រវាង​កម្ពុជា និង​ថៃ​ផង​ដែរ។

លោក Totchtawan Sripan

គ្រូបង្វឹក​ Cambodian All Stars លោក Leonardo Vitorino បាន​​លើក​ឡើង​ថា នេះ​ជា​ឱកាស​ដ៏​ល្អ​សម្រាប់​ក្រុម​របស់​លោក​ដែល​បាន​ជួប​ក្រុម​ខ្លាំង​មក​ពី​ប្រទេស​ថៃ។ លោក​ពេញ​ចិត្ត​ដឹក​នាំ​​ការ​ប្រកួត​នេះ​​ដែល​បាន​ជួប​គ្រូ​បង្វឹក​ល្អ​របស់​ SCG Muangthong United។ សម្រាប់​ការ​ប្រកួត​នេះ​លោក​បាន​រៀប​ចំ​ក្រុម​​​ល្អ ​ហើយ​ជឿ​ជាក់​ថា ការ​ប្រកួត​នេះ​នឹង​ក្លាយ​​ជា​ការ​ប្រក៏​ដ៏​​អស្ចារ្យ។ ការ​ប្រកួត​ដ៏​អស្ចារ្យ​នៅ​ពេល​នេះ​មិន​សំខាន់​លើ​ឈ្នះ ឬ​ចាញ់​ប៉ុន្មាន​ឡើយ ប៉ុន្តែ​ជា​ការ​ប្រកួត​​ដែល​ក្រុម​ទាំង​សង​ខាង​​​ប្រឹង​អស់​ពី​សមត្ថភាព​ និង​មាន​អ្នក​គាំទ្រ​ចូល​ទស្សនា​គាំទ្រ​ឲ្យ​បាន​ច្រើន​កុះករ៕

លោក Leonardo Vitorino

អត្ថបទ​ពាក់​ព័ន្ធ​សំខាន់​ៗ

​​មើល​វីដេអូ​ Highlights ​ឆ្នាំ​មុន​ឡើង​វិញ​រវាង All Stars ប៉ះ​ SCG Muangthong

ស៊ូ យ៉ាទី ថា​ ទោះ​ SCG Muangthong ​ជា​ជើង​ឯក​លីគ​​ថៃ​ឆ្នាំ​នេះ ​​ក៏​មិន​

​ប្រុស​ស្អាត ​Charyl Chappuis ​មក​កម្ពុជា​លើក​ដំបូង ស្គាល់​​មុខ​កីឡាករ​ម្នាក់​គត់ តែមិន​ស្គាល់​ឈ្មោះ


អត្ថបទ៖ ជាន ចាន់រ៉ា