មួយមាត់របស់ Sanchez អាចឲ្យ Arsenal ចុកឈាម

2017-07-16 02:51:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធជម្រើសជាតិឈីលីបាននិយាយមួយមាត់ទៅកាន់ក្លឹបរបស់ខ្លួន Arsenal ថា រូបគេចង់លេងនៅ Champions League ។

Alexis Sanchez

Alexis Sanchez បានត្រឡប់ទៅស្រុកកំណើតប្រទេសឈីលី ដើម្បីពិចារណាពីអនាគតរបស់ខ្លួន។ ជាមួយគ្នានោះរូបគេបាននិយាយថា នឹងចាកចេញពី Arsenal ហើយយល់ព្រមចូលលេងជាមួយក្លឹបណាដែលអាចមានឱកាសបង្ហាញខ្លួននៅក្របខ័ណ្ឌកំពូលរបស់អឺរ៉ុប Uefa Champions League នៅរដូវកាល ២០១៧-២០១៨។

កាំភ្លើងធំ Arsenal ខកខានការចូលរួមលេង Champions League ជាលើកដំបូងក្នុងរយៈពេល ២០ឆ្នាំចុងក្រោយ ដោយសារពួកគេធ្វើបានត្រឹមលេង៥ នៅក្របខ័ណ្ឌ Premier League រដូវកាលមុន។ ខ្សែប្រយុទ្ធវ័យ២៨ឆ្នាំបានឆ្លើយក្នុងបទសម្ភាសន៍នៅស្រុកកំណើតនាប្រទេសឈីលីថា ៖«ខ្ញុំចង់លេងនៅ Champions League»។

ខ្សែប្រយុទ្ធរូបនេះបានបន្ថែមថា ៖«ប៉ុន្តែអ្វីៗមិនទាន់អាចសម្រេចលើខ្ញុំនោះទេ ត្រូវរង់ចាំមើល Arsenal តើព្រមឲ្យខ្ញុំចាកចេញឬយ៉ាងណា»។ ខ្សែប្រយុទ្ធសញ្ជាតិឈីលីរូបនេះត្រូវបានក្លឹបធំៗចំនួន ៣កំពុងចាប់អារម្មណ៍រួមមាន Manchester City, Bayern Munich និង Paris Saint-Germain ជាដើម។ ប៉ុន្តែក្នុងចំណោមក្លឹបទាំងបីនេះក្លឹបដែលមានមូលដ្ឋានគ្រឹះនៅអង់គ្លេសដូចគ្នាគឺ Manchester City ហាក់មានភាពតាមប្រកៀកក្នុងការតាមទិញ Alexis Sanchez ជាងគេ៕