ដោតឆ្នាំងសាក ជាប់ព្រីភ្លើងចោលមិនប្រើ ប៉ះពាល់អីខ្លះ?
- 2017-07-18 23:31:00
- ចំនួនមតិ 0 | ចំនួនចែករំលែក 0
ដោតឆ្នាំងសាក ជាប់ព្រីភ្លើងចោលមិនប្រើ ប៉ះពាល់អីខ្លះ?
ចន្លោះមិនឃើញ
ដូចដែលប្រិយមិត្តកំពុងជួបប្រទះស្ទើរគ្រប់គ្នា គឺការសាកបញ្ចូលថាមពលដល់ស្មាតហ្វូន ថេប្លេត និងកុំព្យូទ័រយួរដៃ (Laptop) យ៉ាងហោចណាស់ម្ដងក្នុងមួយថ្ងៃ។ ក្នុងនោះ ប្រិយមិត្តមួយចំនួនប្រាកដជាធ្លាប់ដោតឆ្នាំងសាកចោលជាប់នឹងព្រីភ្លើងពេលមិនសាកអ្វីផងនោះ។
ការដោតឆ្នាំងសាកស្មាតហ្វូន ថេប្លេត និងកុំព្យូទ័រយួរដៃ ចោលជាប់ព្រីភ្លើង គឺមិនមានផលអវិជ្ជមានដូចជាខូចឆ្នាំងសាក ឬឆ្លងភ្លើងអ្វីនោះទេ ព្រោះឆ្នាំងសាកគ្រាន់ជាស្ពានសម្រាប់ចម្លង និងបម្លែងចរន្តអគ្គិសនីទៅកាន់ស្មាតហ្វូន ថេប្លេត និងកុំព្យូទ័រយួរដៃប៉ុណ្ណោះ។ ប៉ុន្តែសម្រាប់ឆ្នាំងសាកកុំព្យូទ័រយួរដៃមួយចំនួនដែលមានអំពូល គឺអាចស៊ីថាមពលខ្លះ នៅរាល់ពេលដែលដោតជាមួយព្រីដែលមានភ្លើង តែស៊ីក្នុងកម្រិតតិចតួចបំផុតដើម្បីបំភ្លឺអំពូល។
ដោយឡែក ទោះជាមិនមានបញ្ហាសម្រាប់ការដោតជាប់ព្រីភ្លើងចោលពេលមិនប្រើចំពោះឆ្នាំងសាកស្មាតហ្វូន ថេប្លេត និងកុំព្យូទ័រយួរដៃ ក៏ប្រិយមិត្តមិនគួរធ្វើនោះទេ គឺដើម្បីប្រាកដពីសុវត្ថិភាព ១០០% ព្រោះហានិភ័យលើគ្រឿងអេឡិចត្រូនិកច្រើនកើតមានពេលតង់ស្យុងភ្លើងរត់មិនស្មើ ដែលអាចបុកឆ្លងបន្ទះសៀគ្វីរបស់ឆ្នាំងសាក៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត ៖