ការ​ប្រើប្រាស់​ស្មាតហ្វូន​សម្រាប់​ថត​រូប​ ​គឺ​ជា​រឿង​ដែល​មនុស្ស​សម័យ​បច្ចេកវិទ្យា​តែង​តែ​ធ្វើ​ ​ខណៈ​ពេល​ខ្លះ​បរិមាណ​រូបថត​ ​គឺ​ធ្វើ​ឲ្យ​អ្នក​ប្រើប្រាស់​ពិបាក​ក្នុង​ការ​សម្រេច​ចិត្ត​លុប​ ​ឬ​ត្រូវ​តែ​លុប។ ដូច​នេះ​ ​Sabay​ ​សូម​បង្ហាញ​នូវ​គន្លឹះ​ខ្លី​ៗ​នៅ​លើ​ ​iPhone​ ​ដែល​អនុញ្ញាត​ឲ្យ​ប្រិយមិត្ត​លុប​រូបភាព​ក្នុង​ស្មាតហ្វូន​នេះ​យ៉ាង​ច្រើន​ទម្រង់​ខុស​ៗ​គ្នា ៖

របៀប​លុប​រូបភាព​ម្ដង​មួយ

ប្រិយមិត្ត​អាច​ចូល​ទៅ​កាន់​កម្មវិធី​ ​Photo > ចុច​លើ​រូបភាព​ណា​ដែល​អ្នក​ចង់​លុប > ចុច​លើ​ ​icon ធុងសំរាម​ ​ក្រោយ​មក​ផ្ទាំង​មួយ​នឹង​បង្ហាញ​ដើម្បី​បញ្ជាក់​ថា​អ្នក​ពិត​ជា​ចង់​លុប​ ​រួច​ចុច​ ​OK។

រាល់​រូបភាព​ដែល​អ្នក​បាន​លុប​ ​នឹង​ចូល​ទៅ​កាន់​ ​Folder​ ​ឈ្មោះ​ ​Recently Deleted​ ​ដែល​នឹង​លុប​ដោយ​ស្វ័យ​ប្រវត្តិ​ក្រោយ​ ​៣០​ ​ថ្ងៃ​ដែល​ងាយ​ស្រួល​ជួន​កាល​អ្នក​ច្រឡំ​ដៃ​លុប​ ​អ្នក​អាច​ទៅ​យក​មក​វិញ​ពី​ទីនោះ​បាន។ អ្នក​ក៏​អាច​លុប​រូបភាព​ក្នុង​ ​Recently Deleted​ ​បាន​ដែរ​ដោយ​ចូល​ទៅ​កាន់​ ​Photos > Albums > Recently Deleted > ចុច​លើ​ពាក្យ​ ​Select​ ​ខាង​លើ​ផ្នែក​ខាង​ស្ដាំ > ចុច​លើ​រូបភាព​ដែល​អ្នក​ចង់​លុប > ចុច​លើ​ ​Deleted All។

របៀប​លុប​រូបភាព​ម្ដង​ច្រើន

ក្នុង​កម្មវិធី​ ​Photo​ ​អ្នក​អាច​ចុច​លើ​ពាក្យ​ ​Select​ ​ខាង​ស្ដាំ​ផ្នែក​ខាង​លើ > ចុច​លើ​រូបភាព​ណា​ដែល​អ្នក​ចង់​លុប > ចុច​លើ icon ធុង​សំរាម។

របៀប​លុប​ ​Album​ ​រូបភាព

ចំពោះ​ ​Album​ ​អ្នក​អាច​លុប​ដោយ​ចូល​ទៅ​កាន់​ ​Photos > Album > Edits >​ ​ចុច​លើ​ ​icon​ ​សញ្ញា​ដក​ពណ៌​ក្រហម។ ដោយ​ឡែក​ ​Album​ ​ដូចជា​ ​Favourites, Videos, Selfies, Screenshot និង​មួយ​ចំនួន​ទៀត​ ​អ្នក​មិន​អាច​លុប​បាន​នោះ​ទេ​ ​ព្រោះ​ជា​ ​Album​ ​ដែល​ ​Apple​ ​ដាក់​មក​ផ្ទាល់។

របៀប​លុប​តាម​កុំព្យូទ័រ​ ​Mac

អ្នក​អាច​ប្រើប្រាស់​ ​Image Capture​ ​របស់​ ​Mac​ ​ដើម្បី​លុប​ ​ដោយ​ភ្ជាប់​ ​iPhone​ ​ជាមួយ​ ​Mac > អ្នក​នឹង​ឃើញ​រូបភាព​លើ​នោះ > ចុច​ ​Command + A​ ​លើ​ក្ដារចុច​ ​(Keyboard)​ ​ឬ​ចុច​រូបភាព​ណា​មួយ > ចុច​លើ​ ​icon​ ​ពណ៌​ក្រហម​ខាង​ក្រោម​នៅ​ជិត​ ​Import To។ អ្នក​ក៏​អាច​ប្រើប្រាស់​ ​iPhoto​ ​សម្រាប់​លុប​ផង​ដែរ ប៉ុន្តែ​វា​មិន​លឿន​ដូច​ ​Image Capture​ ​នោះ​ទេ។

របៀប​លុប​តាម​កុំព្យូទ័រ​ ​Windows

ក្រោយ​ភ្ជាប់​ ​iPhone​ ​អ្នក​នឹង​ឃើញ​ ​Folder DCIM​ ​ដែល​រក្សា​ទុក​រូបភាព​លើ​ ​Windows Explorer > អ្នក​ចូល​កាន់​ ​Folder​ ​នោះ > ជ្រើសរើស​រូបភាព​ណា​ដែល​អ្នក​ចង់​លុប៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• រឿង​មួយ​ចំនួន​ទាក់​ទង​ Lexus RX អ្នក​ប្រហែល​មិន​ធ្លាប់ដឹង
• iOS ចុង​ក្រោយ​បំផុត​សម្រាប់​ជីវិត​ iPhone 5 ចេញ​ហើយ

ប្រភព៖ Macworld   ប្រែសម្រួល ​៖ ប៊ុន ធឿន