iOS ចុងក្រោយបំផុតសម្រាប់ជីវិត iPhone 5 ចេញហើយ

2017-07-20 01:39:51
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ Apple បានបញ្ចេញការអាប់ដេតប្រព័ន្ធប្រតិបត្តិការ iOS 10.3.3 ដែលអាចជាកំណែទម្រង់ចុងក្រោយបំផុតសម្រាប់ iOS 10 ហើយក៏ជាកំណែទម្រង់ចុងក្រោយដែល iPhone 5 អាចទទួលបាន។

iOS 10.3.3 នេះមានកែសម្រួលនូវបញ្ហាមួយចំនួនដែលមានលើ iOS ជំនាន់មុន រួមមានបញ្ហាស៊ីថ្មខុសប្រក្រតី និង មានបន្ថែមប្រព័ន្ធសុវត្ថិភាពការពារខ្លាំងជាងមុន។ ឧបករណ៍ iDevice ដែលអាចអាប់ដេត iOS 10.3.3 បានរួមមាន iPhone ចាប់ពី iPhone 5 ដល់ iPhone 7 Plus, iPad 4, iPad Air 1/2, iPad Pro, iPad mini 2/3/4 និង iPod touch ជំនាន់ទី ៦។

ដើម្បីអាប់ដេត iOS នេះគ្រាន់តែភ្ជាប់ជាមួយ Wi-Fi ឬ បើកត្រឹមអ៊ីនធឺណិតទូរសព្ទក៏បានព្រោះការអាប់ដេតនេះមានទំហំមិនដល់ ១០០ MB ឡើយ។ បន្ទាប់មកចូលទៅកាន់ Settings → General → Software Update រួចធ្វើតាមការណែនាំជាបន្តបន្ទាប់ជាការស្រេច។

បញ្ជាក់ថានេះជាការអាប់ដេតប្រព័ន្ធប្រតិបត្តិការចុងក្រោយដែលមានសម្រាប់ iPhone 5 ព្រោះថានៅពេល iOS 11 ចេញនៅខែកញ្ញា iPhone 5 នឹងមិនទទួលបានការអាប់ដេតឡើយ។ មានតែឧបករណ៍ប្រភេទ 64-bit ប៉ុណ្ណោះដែលអាចដំឡើង iOS 11 បានរួមមាន iPhone ចាប់ពី iPhone 5s ឡើងទៅ និង iPad ស៊េរីថ្មី និង iPod tocuh ជំនាន់ទី ៦៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអាន៖

អត្ថបទ៖ សុខហេង